വാ മൊഴികളും വര മൊഴികളും - Johar's Blog

മീറ്റ് വീഡിയോ - പ്രൊമോ

2009-07-30T07:01:00.003+05:30

ചെറായി മീറ്റിന്റെ വീഡിയോ പ്രൊമോ കാണാന്‍

ചെറായി മീറ്റിന്റെ ബാക്കി പത്രങ്ങള്‍
എന്ന പേജിലേക്ക് പോകുക ലിങ്ക് ഇവിടെ .

ചെറായി മീറ്റിന്റെ ബാക്കിപത്രങ്ങള്‍

2009-07-29T20:24:00.019+05:30

ഇതു കൊടും വഞ്ചന

2009-07-26T23:28:00.053+05:30

ബ്ലോത്രവും ബൂലോകം ഓണ്‍ ലൈനും തെറ്റി ധാരണാ ജനകമായ വാര്‍ത്തകള്‍ കൊണ്ടു വീണ്ടും ബൂലോകരെ വഞ്ചിച്ചു. നേരറിയാന്‍ ഇതില്‍ പങ്കെടുത്ത വരോട് ചോദിച്ചാല്‍ മതി. അല്ലെങ്കില്‍ ചെറായി ബ്ലോഗ് മീറ്റിനെക്കുറിച്ചുള്ള പോസ്റ്റുകള്‍ വായിക്കൂ....

ഒരറിയിപ്പ് : ചെറായി ബ്ലോഗ് മീറ്റില്‍ പുതിയൊരു റെക്കോര്ഡ് സൃഷ്ടിച്ചിരിക്കുന്നു....നേരത്തെ 8 മണിക്കൂര്‍ കൊണ്ടു 227 കാരിക്കേച്ചര്‍ വരച്ച ശ്രീ സജീവ്‌ ഇന്നു മൂന്നേകാല്‍ മണിക്കൂര്‍ കൊണ്ടു 108 പേരുടെ കാരിക്കേച്ചര്‍ വരച്ചു ചരിത്രം സൃഷ്ടിച്ചിരിക്കുന്നു. !!!!!!!!!!! സജീവിന് ആശംസകള്‍ നേരാം..... ഇതാവട്ടെ ചെറായി മീറ്റിലെ ആദ്യ വിശേഷം.......മാത്രമല്ല, ചെറായി വരകള്‍ ഉടന്‍ വരച്ചു തുടങ്ങുമെന്നുള്ള പദ്ധതിയുമായി ശ്രീ സജീവ്‌ .
എല്ലാവരോടും സജീവ്‌ ഒരഭ്യര്‍ത്ഥന കൂടി ചെയ്യുന്നു. അദ്ദേഹം വരച്ച നിങ്ങളുടെ കാരിക്കേച്ചര്‍ സ്കാന്‍ ചെയ്തു അദ്ധേഹത്തിനു sajjive@gmail.com എന്നതില്‍ ഇ - മെയില്‍ അയച്ചു കൊടുക്കണം .

ഇനി ഈ വിഷയത്തില്‍ പ്രസിദ്ധീകരിച്ച പോസ്റ്റുകള്‍ താഴെ കാണാം

1.മീറ്റ് പ്രതിനിധി മണിയുടെ ഒരു റിപ്പോര്‍ട്ട് ഇവിടെ വായിക്കാം

2.അനില്‍ @ ബ്ലോഗ് ഗ്രൂപ്‌ ഫോട്ടോ നല്‍കിയിരിക്കുന്നു ഇവിടെ

3.ഹരീഷ് തൊടുപുഴയുടെ ഒരു തമാശ ഇവിടെ

4.മീറ്റില്‍ നിന്നും ഉടലെടുത്ത പുതിയൊരു ബ്ലോഗും ബ്ലോഗ്ഗറും ദാ, ഇവിടെ

5.മീറ്റിനെ കുറിച്ചു അപ്പുവിന്റെ ചിത്രങ്ങളും വിവരണവും ഇവിടെ

6.എഴുത്തുകാരി ചേച്ചിയുടെ വിവരണവും റിപ്പോര്‍ട്ടും ഇവിടെ

7.മീറ്റില്‍ പങ്കെടുക്കാന്‍ സാധിക്കാത്ത ഫൈസല്‍ കൊണ്ടോട്ടി ഇവിടെ

8.മീറ്റില്‍ പങ്കെടുക്കാന്‍ കഴിഞ്ഞതിന്റെ സന്തോഷത്തില്‍ ഷെരീഫ്‌ കൊട്ടാരക്കര ഇവിടെ

9.ചെറായി മീറ്റിലെ കാരുണ്യ രീതികളെ കുറിച്ചു നാട്ടുകാരന്‍, ഇവിടെ

10.മീറ്റ് തുടങ്ങിയപ്പോള്‍ കുഞ്ഞന്റെ വക ഒരു പോസ്റ്റ് ഇവിടെ

11.ദാ, ഇവിടെ കേരള ഫാര്‍മര്‍ ചെയ്ത ഒരു സഹായം

12.മുള്ളൂക്കാരന്‍ ചെയ്ത ഒരു സഹായം ഇവിടെ

13.അരീക്കോടന് ' ചക്ക 'കിട്ടിയില്ല ഇവിടെ വായിക്കാം

14.പുതുതായി കിട്ടിയ സൌഹൃദങ്ങളെക്കുറിച്ച് കൊട്ടോടികാരന്‍ ഇവിടെ

15.വെള്ളായണി വിജയന്റെ മീറ്റ് അനുഭവങ്ങള്‍ , ഇവിടെ

16.പാവത്താന്റെ വിവരക്കേടുകള്‍ ഇവിടെ

17.വിവാദങ്ങള്‍ക്ക് പുല്ലുവില നല്കി ചെറായി മീറ്റെന്നു കൂതറ തിരുമേനി, ഇവിടെ

18.ജുനൈതിന്റെ ഒരു മനോഹര വിവരണവും വ്യത്യസ്തമാര്‍ന്ന ചിത്രങ്ങളും ഇവിടെ

19.വിവാദ ബ്ലോഗ് നാടകത്തിന്റെ കാരണവുമായി കാപിലാന്‍ ഇവിടെ

20.കണ്ണനുണ്ണിക്കും പറയാനുണ്ട് ചിലത് , അത് ഇവിടെ

21.മീറ്റിനു ആദ്യം എത്തിയതിന്റെ വിശേഷങ്ങളുമായി ഡോ. നാസ് ഇവിടെ

22.മീറ്റ് ഫോട്ടോകള്‍ ഉള്‍പ്പെടുത്തി അപ്പുവിന്റെ പിക്കാസ ആല്‍ബം, ഇവിടെ

23.മീറ്റിനുള്ളിലെ ഈറ്റിനെ ക്കുറിച്ച് പ്രിന്‍സ്‌ , ഇവിടെ

24.മീറ്റിനെക്കുറിച്ച് ഒരല്‍പം അഹങ്കാരത്തോടെ രസികന്‍, ഇവിടെ

25.മീറ്റിലെ തീവ്രവാദികളെ കൂതറ തിരുമേനി കണ്ടെത്തിയത്‌ ഇവിടെ

26. സജി അച്ചായന്റെ മീറ്റ് ഓര്‍മ്മകള്‍ ഇവിടെ

27. പോങ്ങുംമൂടനും ചെറായി വിശേഷങ്ങളുമായി എത്തി, ദാ ഇവിടെ

28.കേരള ഫാര്മാറിന്റെ ചെറായി റിപ്പോര്‍ട്ട് ഇവിടെ

29. നന്ദകുമാറിന്റെ ചെറായി സായാഹ്നക്കാഴ്ച ഇവിടെ

30.പി പടിഷുവിന്റെ ചെറായി വിശേഷങ്ങള്‍ ഇവിടെ

31.വ്യത്യസ്തമായൊരു അവലോകനവുമായി സുനില്‍ കൃഷ്ണന്‍ ആല്‍ത്തറയില്‍

32.സൌഹൃദത്തിന്റെ മാധുര്യം തേടി നാട്ടപ്പിരാന്തന്‍ ഇവിടെ

33 അരീക്കോടന്റെ ചെറായി അനുഭവങ്ങള്‍ ഇവിടെ

34.ചെറായിയില്‍ ശ്രീലാല്‍ കണ്ടെത്തിയ ഒരു പുതിയ രസം ഇവിടെ

35. ചെറായി മീറ്റിലെ സൂപ്പര്‍മാനുമായി ഗോപനും അരുണും വീണ്ടും - കാണൂ.

36. നന്ദപര്‍വ്വത്തില്‍ വ്യത്യസ്തമാര്‍ന്ന ചിത്രങ്ങളും വിവരണവുമായി നന്ദു ,ഇവിടെ

37. ശ്രീ @ ശ്രേയസ് പിക്കാസയില്‍ നല്കിയ റിപ്പോര്‍ട്ട് ഇവിടെ

38. ചെറായി മീറ്റില്‍ " മോഹന്‍ലാല്‍ " വേദ വ്യാസന്‍ നല്കുന്ന റിപ്പോര്‍ട്ട് ഇവിടെ

൩൯. മീറ്റിന്റെ സമ്പൂര്ണ്ണ വിവരങ്ങളും ചിത്രങ്ങളുമായി ഹരീഷ് ഇവിടെ

ഞാനില്ല ചെറായിയിലേക്ക് .......

2009-07-23T12:52:00.008+05:30

ഹൊ , എന്തെല്ലാം ഒരുക്കങ്ങള്‍ !!!

കാര്‍മേഘങ്ങള്‍ ഒഴിഞ്ഞു , തെളിഞ്ഞ നീലാകാശത്തെ വെള്ളി മേഘങ്ങള്‍ ...........

അവയ്ക്കിടയ്ക്കു ചിങ്ങ മാസത്തെ അനുസ്മരിപ്പിക്കും വിധം ഇടയ്ക്ക് ഒളിച്ച് വരുന്ന ചിന്നി ചിണുങ്ങി കുഞ്ഞു മഴ.......

പൊക്കാളിപ്പാടങ്ങളില്‍ ഞാറു നാട്ടു തുടങ്ങിയിരിക്കുന്നു. കുഞ്ഞിളം കാറ്റില്‍ തെന്നലാടിക്കളിക്കുന്ന കുഞ്ഞു ഞാറിന്‍ നാമ്പുകള്‍ ..........

കടലിലേക്ക്‌ നോക്കിയാല്‍ , തീരത്ത് നിന്നും അധികം ദൂരത്ത്‌ അല്ലാതെ മത്സ്യം പിടിക്കുന്ന ധാരാളം വള്ളങ്ങള്‍ ......

കടല്ക്കരയാകമാനം ചെറു തണുപ്പോടെ ഓടിക്കളിക്കുന്ന കുഞ്ഞിളം തെന്നല്‍ ........

മീറ്റിന്റെ ചില ഒരുക്കങ്ങള്‍ക്കായി ഞാനും സുഭാഷ്‌ ചേട്ടനും നിരക്ഷരനും ഇന്നു വീണ്ടും ചെറായിയിലെ അമരാവതിറിസോര്‍ട്ടില്‍ എത്തി. മേല്‍ വിവരിച്ച സുഖ കരമായ കാലാവസ്ഥ എന്റെ മനം കുളിര്‍പ്പിച്ചു.
പൊതു വായി രണ്ടു റൂമുകളും പിന്നെ തലേ ദിവസം എത്തുന്ന ബ്ലോഗേഴ്സ് പറഞ്ഞിരുന്ന മറ്റു റൂമുകളും കണ്ടു വിലയിരുത്തി. കടല്‍ക്കാഴ്ചകള്‍ ആവോളം നുകരാനുള്ള സൌകര്യങ്ങള്‍ . റിസോര്‍ട്ട് സ്ടാഫ്ഫിനു വേണ്ട ചില നിര്‍ദ്ദേശങ്ങള്‍ നല്കി.വേണ്ട മറ്റു സൌകര്യങ്ങള്‍ കൂടി അവരോട് പറഞ്ഞു കൊണ്ടു ഞങ്ങള്‍ അവിടെ നിന്നും പിരിഞ്ഞു.

സംഘാടക സമിതി ചെയ്തിരിക്കുന്ന ഒരുക്കങ്ങള്‍ ഇപ്പോള്‍ തന്നെ ഏവരുടെയും പ്രശംസ പിടിച്ചു പറ്റിക്കഴിഞ്ഞു........
.
ഞാനില്ല ചെറായിയിലേക്ക് എന്ന് പറഞ്ഞു നടന്നവര്‍ക്ക് അസൂയ ഉളവാക്കും വിധം ഈ മീറ്റ്നടത്താന്‍ സംഘാടക സമിതിക്ക് ആവശ്യമായതൊക്കെ ആയിക്കഴിഞ്ഞു. അതിനാല്‍ തന്നെ തുടര്‍ന്നുള്ളരജിസ്ട്രേഷന്‍ ക്ലോസ് ചെയ്തും കഴിഞ്ഞു .

ചെറായിയില്‍ എത്തുവാന്‍ ഉദ്ദേശിക്കുന്ന ,വഴി അറിയാന്‍ പാടില്ലാത്ത രെജിസ്ടര്‍ ചെയ്ത ബ്ലോഗ്ഗേഴ്സിനു , വഴിപറഞ്ഞു തരാന്‍ ഉള്ള ഹെല്പ് ലൈന്‍ നമ്പര്‍ ആയി 9447326743 എന്നതില്‍ വിളിക്കാം.

ഇതാ ചെറായി മീറ്റിനോട് അനുബന്ധിച്ച് രസാവഹമായ ഒരു മത്സരം കൂടി....പങ്കെടുക്കുവാന്‍ ഇവിടെ ക്ലിക്ക് ചെയ്യുക.

ചെറായി മീറ്റൊരുക്കങ്ങള്‍ .

2009-07-10T13:02:00.019+05:30

അങ്ങനെ ആരവങ്ങളും ബഹളങ്ങളും ഒഴിഞ്ഞ ബൂലോകത്തില്‍ ഒരു മഹത് സംഭവം തന്നെ നടക്കാന്‍ പോകുന്നു. - ചെറായി സുഹൃദ് സംഗമം. : ആ സംഗമ ത്തിന്റെ മുന്നോടിയായി സംഘാടകര്‍ എടുത്ത മുന്കരുതലുകളെ ക്കുറിച്ച്പ്രതിപാദിക്കുകയാണ് ഇവിടെ.

ജൂണ്‍ മാസത്തിന്റെ മധ്യ ദിനങ്ങളിലെ ഒരു തണുത്ത പ്രഭാതത്തില്‍ ആണ് എനിക്ക് ആ ഫോണ്‍ വന്നത് - മറുതലക്കല്‍ ഹരീഷ് തൊടുപുഴ. ഉറക്കത്തിന്റെ ആലസ്യമെല്ലാം മാറ്റി വച്ചു , കാര്യങ്ങള്‍ തിരക്കി. ഉടന്‍ തന്നെ നടക്കാന്‍ പോകുന്ന ചെറായി മീറ്റിലെ സംഘാടക സമിതിയില്‍ സഹകരിക്കാമോ എന്നതായിരുന്നു ചോദ്യം. മറ്റൊന്നും ആലോചിക്കുവാനില്ലായിരുന്നു . സമ്മതം പറഞ്ഞു. എങ്കില്‍ അടുത്ത ആഴ്ച തന്നെ നമ്മുക്കെല്ലാവര്‍ക്കും കൂടി ചെറായിയില്‍ കൂടി കാര്യങ്ങള്‍ തീരുമാനിക്കാം എന്ന് ഹരീഷ്. നിര്‍ഭാഗ്യവശാല്‍ അദ്ദേഹം പറഞ്ഞ ആ തീയ്യതിയില്‍ ഒത്തു കൂടാന്‍ സംഘത്തിലെ ചില അംഗങ്ങളുടെ അസൌകര്യാര്‍ത്ഥം സാധിച്ചിലാ. ജൂലൈ 5 നു കൂടാം എന്ന് തീരുമാനിക്കുകയും ചെയ്തു.

അതിന് ശേഷമാണ് , ശ്രീ. ബെര്‍ളി തോമസ്‌ എന്ന പ്രശസ്ത ബ്ലോഗ്ഗര്‍ ചില ആശങ്കകള്‍ ഉന്നയിച്ചു കൊണ്ടു ഒരു പോസ്റ്റ് ഇടുന്നത്. പ്രദേശത്തെ ഏറെ അടുത്ത് അറിയാവുന്നവര്‍. എന്ന നിലയില്‍ ഞങ്ങള്‍ അതിനെ കാര്യമായി എടുത്തില്ല . പക്ഷെ ഞങ്ങള്‍ എല്ലാവരും ഒത്തു ചേര്ന്നു ഒരു തീരുമാനം എടുത്തു.

"Silence is the best way to avoid many problems...
Smile is the powerful tool to solve many problems...
So have a silent smile always......................................"

ഈ ആപ്ത വാക്യങ്ങളില്‍ ഉറച്ചു നിന്നുകൊണ്ട്‌ പ്രശ്നങ്ങളെ ഞങ്ങള്‍ അഭിമുഖീകരിച്ചു. എന്നാല്‍ , ഇതൊക്കെയും
അറിയാതിരുന്ന ഒരുപാടു ബ്ലോഗ്ഗേഴ്സ് കടുത്ത ആശങ്കയിലായി എന്ന് പല മെയിലുകളിലൂടെയും പല ഫോണ്‍ കാള്ളിലൂടെയും ഞങ്ങള്‍ അറിയുന്നുണ്ടായിരുന്നു. ആശങ്കയ്ക്ക് അടിവരയിടാന്‍ ഉടന്‍ തന്നെ സംഘാംഗങ്ങള്‍ തമ്മില്‍ ഒരു നേര്‍ക്കാഴ്ച അത്യാവശ്യമാണെന്ന് മനസ്സിലാക്കി ജൂലൈ 5 എന്ന തീയ്യതിയില്‍ ലതി ചേച്ചിയുടെ വീട്ടില്‍ കൂടാം എന്ന് തീരുമാനിച്ചു

ഇതിനിടയില്‍ സംഘാംഗങ്ങള്‍ തമ്മിലുള്ള ഗ്രൂപ്‌ മെയിലിലൂടെ ക്രിയാത്മകമായ പല നിര്‍ദ്ദേശങ്ങളും അറിയാന്‍ കഴിഞ്ഞു . സംഘാടക സമിതിയിലെ അംഗങ്ങള്‍ ആയ അപ്പു, അനില്‍ അറ്റ്‌ ബ്ലോഗ്, ഹരീഷ് തൊടുപുഴ, നിരക്ഷരന്‍, ലതി , മണികണ്ഠന്‍ , നാടുകാരന്‍ , പിന്നെ ഞാനും ചേര്ന്നു മീറ്റിന്റെ ഒരേകദേശ ധാരണ ഇതിനിടയില്‍ രൂപീകരിചെടുത്തിരുന്നു. അങ്ങനെ അപ്പു വും നിരക്ഷരനും ഒഴികെ ബാക്കിയെലാവരും ലതി ചേച്ചിയുടെ വീട്ടില്‍ ഒത്തുകൂടി. ഇതിനിടയില്‍ അപ്പുവും നിരക്ഷരനും ഫോണില്‍ ബന്ധപ്പെട്ടുകൊണ്ടിരുന്നു.

ഈ മീറ്റിന്റെ ഒരു സവിശേഷതയായി ഞങ്ങള്‍ കാണുന്നത് ലതിചെച്ചി യുടെ ഭര്‍ത്താവും , ചെറായി യിലെ പൌര പ്രമുഖരില്‍ ഒരാളും ,സവ്വോപരി കഴിഞ്ഞ പത്തു -പതിമ്മൂന്നു കൊലാമായി ചെറായി മേളയുടെ നടത്തിപ്പുകാരനും ആയ ശ്രീ .കെ.ആര്‍.സുഭാഷ്‌ എന്ന സുഭാഷേട്ടന്‍ ഈ സംരംഭത്തിന് ചുക്കാന്‍ പിടിക്കാന്‍ സമ്മതം മൂളിയതാണ്. അങ്ങനെ ഉച്ച ഭക്ഷണത്തിന് ശേഷം , സുഭാഷ്‌ ചേട്ടന്റെ കൂട്ടത്തില്‍ എല്ലാവരും ചെറായി യിലേക്ക് യാത്ര തിരിച്ചു. ചെറായി യിലേക്കുള്ള പ്രധാന വഴിയിലെ പാലം പുനര്‍ നിര്‍മ്മിക്കുന്നതിനാല്‍, രക്തേശ്വരി റോഡിലൂടെ യായിരുന്നു യാത്ര. ചെമ്മീന്‍ കെട്ടുകള്‍ക്കിടയിലൂടെ വളഞ്ഞു പുളഞ്ഞു പോകുന്ന റോഡ് തുടങ്ങുന്നിടത്ത് തന്നെ ഹരീഷ് തന്റെ കാര്‍ നിറുത്തി ചാടിയിറങ്ങി. ഹരീഷിന്റെ ചെറായി ആവേശം അണപൊട്ടിഒഴുകുവാന്‍ തുടങ്ങുകയായിരുന്നു അവിടെ. എവിടെ പ്പോയാലും തന്റെ സന്തത സഹചാരിയായ നിക്കോണ്‍ കാമറയും എടുത്തു അദ്ദേഹം ചിത്രങ്ങള്‍ എടുത്തു തുടങ്ങി. മേഘാവൃതമായ ആകാശം ആണെങ്കിലും ചില നല്ല ചിത്രങ്ങള്‍ അദ്ധേഹത്തിനു കിട്ടി. അതെല്ലാം ഉടന്‍ അദ്ധേഹത്തിന്റെ പോസ്റ്റുകളില്‍ കാണാം. "ചെറായി ആയിട്ടില്ല , ഇനിയും ദൂരം ഉണ്ടെന്നു "പറഞ്ഞു, ലതിചെച്ചി ഇടപെട്ടപ്പോള്‍ ആണ് ഹരീഷ് മടിച്ചു മടിച്ചു കാറിലേക്ക് കയറിയത്.

അങ്ങനെ ബീച്ച് ജങ്ങ്ഷനും കടന്നു , ഞങ്ങള്‍ അമരാവതി റിസോര്‍ട്ടില്‍ എത്തി . മുന്‍കൂട്ടി എത്തുമെന്ന് അറിയിച്ചിരുന്നതിനാല്‍ ഞങ്ങളെ സ്വീകരിക്കുവാനും വിവരങ്ങള്‍ നല്‍കുവാനും റിസോര്‍ട്ട് സ്ടാഫ്‌ കൂടെ ഉണ്ടായിരുന്നു. തിരമാലകളുടെ ഇരമ്പലും , ശക്തിയായ കാറ്റോടെ യുള്ള കുളിര്‍മ്മയുള്ള അന്തരീക്ഷവും ഞങ്ങളെ ഏറെ ആകര്ഷ ഭരിതരാക്കി. കടലും കായലും ഒളിച്ചു കളിക്കുന്ന ഒരു മനോഹര പ്രദേശം എന്നാണല്ലോ ചെറായി യെക്കുറിച്ച് ടൂറിസ്റ്റ്‌ വിവരണങ്ങളില്‍ ഉള്ളത്. അത് അര്‍ത്ഥവതാക്കുന്ന രീതിയിലുള്ള കാഴ്ച യാണ് ഞങ്ങള്ക്ക് കാണാന്‍ കഴിഞ്ഞത്. ചെറായിയില്‍ നിന്നും മുനമ്പം പുലിമുട്ടിലെക്കുള്ള റോഡിന്റെ ഇരുവശവും ആയിട്ടാണ് അമരാവതി റിസോര്‍ട്ട്. ഒരു വശം കടലും മറു വശം കായലും. നടുവിലൂടെ ഒരു റോഡും .റിസോര്‍ട്ടും പരിസരവും പൂര്‍ണമായും നമുക്കുപയോഗിക്കാന്‍ സാധിക്കും എങ്കിലും , കടലിനോടു ചേര്‍ന്നുള്ള സ്ഥലത്തു മീറ്റ് നടത്താം എന്ന് തീരുമാനമായി . അവിടെയാകട്ടെ , വിശാലമായ മണല്‍ പ്രദേശവും മഴ വന്നാല്‍ കയറിയിരിക്കാന്‍ സാധിക്കുന്ന വിശാലമായ പന്തലും ഉണ്ട്.

അല്‍പ്പം മുന്പ് കൂടെയുണ്ടായിരുന്ന ഹരീഷിനെ ഞൊടിയിടയില്‍ കാണാതായി. അന്വേഷിച്ചു നടന്നപ്പോള്‍ കണ്ടത്
റിസോര്‍ട്ടിനു പുറകിലെ കായല്‍ തീരത്ത് , ഏതോ ഭ്രാന്തമായ ആവേശത്താല്‍ ഓടി നടന്നു ചിത്രങ്ങള്‍ പകര്‍ത്തുന്നതായിരുന്നു. ഹരീഷിനു ഒരു കൊല്ലത്തേക്ക് പോസ്ടാനുള്ളതായി എന്ന് ആരോ പറയുന്നതും കേട്ടു. പിന്നെ ഞങ്ങള്‍ , മുനമ്പം പുലി മുട്ടിലേക്ക് യാത്രയായി. ചെറായി യില്‍ നിന്നും രണ്ടു കിലോ മീറ്റര്‍ അകലെയാണ് പുലി മുട്ട്. അവയെക്കുറിച്ച് കൂടുതല്‍ വിശദമായി അനില്‍ @ ബ്ലോഗ് എഴുതിയ ഈ പോസ്റ്റില്‍ കാണാം.

മുനമ്പത്ത് നിന്നും ഞങ്ങള്‍ നേരെ പോയത് നിരക്ഷരന്‍ എന്ന മനോജ്‌ രവീന്ദ്രന്റെ വീട്ടിലേക്കാണ്. ഒരു നല്ല സ്വീകരണമാണ് ഞങ്ങള്ക്ക് അവിടെ ലഭിച്ചത്. മുകള്‍ നിലയില്‍ എല്ലാവരുമായി ചര്ച്ച ചെയ്യാനുള്ള സൌകര്യവും ഞങ്ങള്ക്ക് ലഭിച്ചു. അങ്ങനെ ഒരു മണിക്കൂര്‍ നീണ്ട ചര്‍ച്ചയ്ക്കൊടുവില്‍ കാര്യങ്ങള്‍ക്കൊക്കെ ഏതാണ്ട് ഒരു തീരുമാനം ആയി. അതിനിടെ മറ്റനവധിബ്ലോഗുകളിലൂടെ ചര്‍ച്ച ചെയ്യപ്പെട്ട് ചെറായി മീറ്റിന് എന്തൊക്കെയോ പ്രശനമുണ്ടെന്നും ആ മീറ്റ് നടക്കുകയില്ലെന്നും മാറ്റിവച്ചെന്നും മറ്റുമുള്ള തെറ്റായ ധാരണകള്‍ ബൂലോഗത്ത് പരന്നിരുന്നു. പലരുടേയും ഉപരിപ്ലവമായ വായനയും , കമന്റുകള്‍ മുഴുവന്‍ വായിക്കാതെ ആ പോസ്റ്റുകളുടെ തലക്കെട്ടുകളെ വിശ്വസിച്ചതുമൂലവും ഉണ്ടായ തെറ്റിദ്ധാരണകളായിരുന്നു അതെല്ലാം. ഈ പുകിലുകള്‍ മൂലം എത്രയാളുകള്‍ പങ്കെടുക്കും എന്നൊരു ധാരണ ഞങ്ങള്‍ക്കില്ലയിരുന്നു. ഹരീഷില്‍ നിന്നും കിട്ടിയ ഉറപ്പുള്ള ആള്‍ക്കാരുടെ എണ്ണം തീരെ പരിമിതമായതിനാല്‍ കിട്ടിയ കണക്കനുസരിച്ച് ഏകദേശം ഇരുന്നൂറ്റി അമ്പതു രൂപ വച്ചു ഒരാളുടെ അടുത്ത് നിന്നും പിരിച്ചാല്‍ സംഘാടകര്‍ക്ക് നഷ്ട മില്ലാതെ പോകാം എന്ന ധാരണയില്‍ എത്തുകയായിരുന്നു. ഇനി ആളുകള്‍ കൂടുകയാണെങ്കില്‍ ചിലവനുസരിച്ചു തുകയില്‍ കുറവ് വരുത്തുവാനും ബൂലോക കാരുണ്യമോ മറ്റെന്തെങ്കിലും സഹായങ്ങള്‍ക്കോ ബാക്കിവരുന്ന തുക ചിലവഴിക്കാനും തീരുമാനവുമെടുത്തു. ഇതിനിടെ, വൈകിട്ടത്തേക്ക് നല്ല
കൊഞ്ചു വട ഉണ്ടാക്കിത്തരാം എന്ന ആശയവുമായി നിരക്ഷരന്റെ സഹോദരി വന്നു. അത് ആദ്യ സ്പോന്സര്ഷിപ്‌ ആയി മാറി. അങ്ങനെ ഞങ്ങള്‍ അവിടെ നിന്നും പിരിഞ്ഞു.

പിന്നെ, ഗ്രൂപ്‌ മെയിലിലൂടെ യായി കാര്യങ്ങള്‍ നിശ്ചയിച്ചു കൊണ്ടിരുന്നത്. അങ്ങനെ മീറ്റിനെക്കുറിച്ചുള്ള കൂടുതല്‍ വിവരങ്ങള്‍ എന്ന ഹരീഷിന്റെ പോസ്റ്റ് പുറത്തിറങ്ങി. മീറ്റ് തുക യെക്കുറിച്ച് പലതിലും പുകഞ്ഞു തുടങ്ങി. കാര്യങ്ങള്‍ പൂര്‍ണ്ണമായി അറിയാത്തവര്‍ സ്വന്തം ഭാവനാ സൃഷ്ടിയില്‍ പലതും നെയ്തെടുത്തു. അവയൊക്കെ പോസ്റ്റുകള്‍ ആക്കി . അപ്പോള്‍ സംഘാടക സമിതി തങ്ങളുടെ ആയുധം വീണ്ടുമെടുത്തു --- SILENT SMILE. മീറ്റിനെ തകര്‍ക്കാന്‍ ഉദ്ദേശിച്ച വരെയെല്ലാം മറ്റു ബ്ലോഗേഴ്സ് നേരിടുന്നത്‌ കണ്ടതോടെ സംഘാടക സമിതിക്ക് ഒരു കാര്യം തീര്‍ച്ചയായി . ഈ മീറ്റ് ഒരു വന്‍ വിജയമായിരിക്കുമെന്ന്.

ഈ വിവാദത്തിനു പ്രശസ്തനായ ബ്ലോഗര്‍ സുനില്‍ കൃഷ്ണ മറു പടി നല്കിയത് ഇങ്ങനെ " ഈ മീറ്റില്‍ നിന്നും നമ്മുക്ക് എന്ത് കിട്ടുന്നു എന്നുള്ളതാണ് നാം ചിന്തിക്കേണ്ടത്. മറുനാട്ടില്‍ നിന്നു വരുന്നവരും നാട്ടിലുള്ള വരുമായ ബ്ലോഗേഴ്സ്, ഒരിക്കലും നേരില്‍ കണ്ടിട്ടില്ലാത്തവര്‍, പക്ഷെ തമ്മില്‍ കണ്ട പലരെക്കാളും നമ്മുക്ക് അടുപ്പം തോന്നിയിട്ടുള്ളവര്‍ . അങ്ങനെയുള്ള എല്ലാവരുമായും ഒത്തു കൂടാനുള്ള അവസരം എന്നും ഉണ്ടാകുമോ? ഇതു എല്ലാ ദിവസവും നടക്കുന്ന ഒന്നാണെങ്കില്‍ ധൂര്‍ത്ത് എന്ന് പറയാം. അങ്ങനെ അല്ലല്ലോ. എത്രയോ നാളുകളായി കാണണം എന്ന് ആഗ്രഹിച്ചിരുന്നവര്‍........... " ഈ വാക്കുകള്‍ തീര്ച്ചയായും സംഘാടക സമിതിക്ക് ഊര്‍ജ്ജം കൂട്ടി എന്ന് തന്നെ പറയട്ടെ.

കൂടാതെ, ബ്ലോഗ് ഇതര വെബ് സൈറ്റിലും ഈ മീറ്റിന്റെ അറിയിപ്പുകളും വന്നു തുടങ്ങി.

ഇപ്പോഴിതാ, പല യിടങ്ങളില്‍ നിന്നുമായി മീറ്റിലെ പല കാര്യങ്ങളും സ്പോണ്സര്‍ ചെയ്യാന്‍ ആളുകള്‍ ഓടിവരുന്നു.
ഇപ്പോള്‍ ഉത്തരവാദിത്വങ്ങള്‍ കൂടുന്നു. തീരുമാനിച്ചതില്‍ നിന്നും മികച്ചതായി ഈ മീറ്റ് എങ്ങനെ നടത്തുവാന്‍ സാധിക്കും എന്ന ചര്‍ച്ചകള്‍ സംഘാടകര്‍ക്ക് ഇടയില്‍ നടന്നു കൊണ്ടിരിക്കുന്നു. തീര്ച്ചയായും ഈ ഉത്തരവാദിത്വം ഞങ്ങള്‍ സംഘാടകര്‍ സന്തോഷ പൂര്‍വ്വം ഏറ്റെടുക്കുന്നു. ഒരു മികച്ച സംരംഭം ആയി ഈ മീറ്റ് മാറാന്‍ നമുക്കു ഒത്തൊരുമിച്ചു ശ്രമിക്കാം. ഫാമിലി യായി ധാരാളം ബ്ലോഗേഴ്സ് ഇപ്പോള്‍ത്തന്നെ നേരിട്ടു വിളിച്ചു രജിസ്റ്റര്‍ ചെയ്തു കഴിഞ്ഞു .

ഫുഡ് അറെഞ്ച്ചെയ്യുന്നതിന്റെ ആവശ്യകതയിലേക്ക്, മീറ്റില്‍ പങ്കെടുക്കാനുള്ളവരുടെ എണ്ണം കൃത്യമായി തിട്ടപ്പെടുത്തേണ്ടതു കൊണ്ട്, ജൂലൈ 20 മുന്‍പ് എല്ലാ ബ്ലോഗേര്‍സും അവരുടെ കൂടെ എത്രപേര്‍ ഉണ്ടാകുമെന്ന് ഇ-മെയിലിലോ, ഫോണിലോ അറിയിക്കുവാന്‍ താല്പര്യപ്പെടുന്നു.ഫോണ്‍: 9447302370 (e-mail : pdhareesh@gmail.com)

കേരളത്തിന്റെ വിവിധ ഭാഗങ്ങളില്‍ നിന്നും ചെറായി യില്‍ എത്തിച്ചേരാന്‍ വഴി അറിയാത്തവര്‍ക്കായി അവ വിശദമാക്കുന്ന ഒരു പോസ്റ്റ് ഇവിടെയുണ്ട്.
ചെറായിയില്‍ എത്തി ചേരുന്നവര്‍ അറിഞ്ഞിരിക്കേണ്ട ചില അരുതായ്കകള്‍ ഇവിടെ വായിക്കാം.

മീറ്റ് ദിവസം രാവിലെ ഒന്‍പതു മണി മുതല്‍ ഒന്‍പതര വരെ പറവൂര്‍ ബസ്‌ സ്ടാന്റില്‍ സംഘാടക സമിതിയുടെ മൂന്നു വാഹനങ്ങള്‍ കാണുന്നതായിരിക്കും . ഇവയില്‍ കയറിയാല്‍ ചെറായിയില്‍ എത്തിച്ചേരാം എന്നതിനാല്‍ എല്ലാവരും സമയ കൃത്യത പാലിക്കുക. ഈ വാഹനങ്ങളുടെ നമ്പരുകള്‍ മറ്റൊരു പോസ്റ്റില്‍ ഹരീഷ് പറയുന്നതായിരിക്കും. അതിനാല്‍ സ്ത്രീ ബ്ലോഗേഴ്സിനു പ്രത്യേക സുരക്ഷയും ഉറപ്പാക്കാം.

വഴി അറിയാത്തവര്‍ക്കായി ജൂലൈ 25 മുതല്‍ ഹെല്പ് ലൈന്‍ നമ്പരുകള്‍ പ്രവര്‍ത്തിക്കുന്നതാണ്. അവയും ഹരീഷിന്റെ പോസ്റ്റില്‍ ഉടന്‍ പറയും.

മീറ്റിന്റെ തലേ ദിവസം എത്തുന്നവരുടെ അറിവിലേക്കായി, പറവൂര്‍ ടൌണിലും ,ചെറായി ജങ്ങ്ഷനിലും 3 സ്ടാര്‍ സൗകര്യത്തോടെയുള്ള മുറികള്‍ ലഭ്യമാണ്. ഏതാണ്ട് 600 രൂപ മുതല്‍ 1250 രൂപ വരെയുള്ള മുറികളാണ് ഇവിടെയുള്ളത്. നികുതികള്‍ പുറമെ. ഫാമിലിയുമായി എത്തുന്നവര്‍ക്ക് ഇവിടം സൌകര്യം ആയിരിക്കും.
റിസോര്‍ട്ടുകളില്‍ റേറ്റ്‌ പൊതുവെ കൂടുതലായിരിക്കും. അവ ആയിരം മുതല്‍ തുടങ്ങുന്നു.

ഇനിയും കൂടുതല്‍ വിവരങ്ങളുമായി ഹരീഷിന്റെ ഒരു പോസ്റ്റ് ഉടന്‍ തന്നെ പബ്ലിഷ് ചെയ്യും.

( ഫോട്ടോകള്‍ക്ക് കടപ്പാട്‌ : ഹരീഷ് തൊടുപുഴ )

ഈ വാക്കുകള്‍ കൂടി ശ്രദ്ധിക്കൂ......

2009-07-09T09:33:00.005+05:30

ആരോടും അനുവാദം ചോദിക്കാതെ കാപ്പിലാന്റെ തോന്ന്യാശ്രമത്തില്‍ കണ്ട ഒരു കമന്റ് ഇവിടെ പ്രസിദ്ധീകരിക്കുന്നു. ഇതു എഴുതിയിരിക്കുന്നത് പ്രിയപ്പെട്ട ബ്ലോഗര്‍ സുനില്‍ കൃഷ്ണന്‍ ആണ്. പ്രിയ സുനിലിനോ , കാപിലാനോ ഇതു എടുത്തു ഇവിടെ പ്രസിദ്ധീകരിച്ചതില്‍ അനിഷ്ട മുണ്ടെങ്കില്‍ കമന്റ് വഴിയോ, ഇ മെയില്‍ വഴിയോ , ഇനി SMS വഴിയോ എന്നെ അറിയിച്ചാല്‍ ,ഈ പോസ്റ്റ് ഇവിടെ നിന്നും നീക്കം ചെയ്യുന്നതായിരിക്കും.

ശ്രെദ്ധേയമായ ആ വാക്കുകള്‍ ഇതാ.....

രൂപയുടെ മൂല്യം നിശ്ചയിയ്ക്കുന്നത് അതിൽ നിന്നു കിട്ടുന്ന പ്രയോജനത്തിന്റെ, അല്ലെങ്കിൽ അതുപയോഗിച്ചു കിട്ടുന്ന ആനന്ദത്തിന്റെ അടിസ്ഥാനത്തിലാണ് എന്നാണു എന്റെ അഭിപ്രായം.

ഒരു ഓട്ടോക്കാരൻ 5 രൂപ കൂടുതൽ ചോദിയ്ക്കുമ്പോൾ അയാളോടു തർക്കത്തിനു പോയി പണം കൊടുക്കാതെ തിരിഞ്ഞു നടക്കുന്ന നമ്മൾ 100 രൂപ മുടക്കി മോഹൻലാലിന്റെ “ഭഗവാൻ” ചിത്രം കാണുന്നതിൽ മടി വിചാരിയ്ക്കുന്നില്ല.വെള്ളമടിയ്ക്കാൻ എത്രയോ പണം നമ്മുടെ നാട്ടിൽ ഒഴുകുന്നു എന്നതിനെ പറ്റി ഒരു പോസ്റ്റു തന്നെ ഞാൻ ‘ആൽത്തറ’യിൽ ഇട്ടിട്ടുമുണ്ട്.മുഖം മിനുക്കാൻ 10 രൂപ കൊണ്ട് ഷേവ് ചെയ്ത് തരുന്ന ബാർബർ ഷോപ്പിൽ പോകാതെ അതേ ജോലി 100 രൂപയ്ക്കു ചെയ്യുന്ന ബ്യൂട്ടി പാർലറിൽ പോകുന്നവരാണു നമ്മൾ.

ഞാൻ പറഞ്ഞു വന്നത് 250 രൂ ചെറുതായ ഒരു തുക ആണെന്ന് സ്ഥാപിയ്ക്കാനല്ല.പക്ഷേ, ഇവിടെ അതിൽ നിന്നു നമ്മൾക്ക് എന്ത് കിട്ടുന്നു എന്നുള്ളതാണു ചിന്തിയ്ക്കേണ്ടത്.മറുനാട്ടിൽ നിന്നു വരുന്നവരും നാട്ടിലുള്ളവരുമായ ബ്ലോഗേർ‌സ്, അവർ ഒരിയ്ക്കലും തമ്മിൽ കണ്ടിട്ടില്ലാത്തവർ, എന്നാൽ തമ്മിൽ കണ്ട പലരേക്കാളും നമുക്ക് അടുപ്പം തോന്നിയിട്ടുള്ളവർ.അങ്ങനെ ഉള്ള എല്ലാവരും ഒത്തുകൂടാൻ എന്നും അവസരം ഉണ്ടാകുമോ?ഇതു എല്ലാ ദിവസവും നടക്കുന്ന ഒന്നാണെങ്കിൽ ഒരു ധൂർത്ത് എന്ന് പറയാം.അങ്ങനെ അല്ലല്ലോ.എത്രയോ നാളുകളായി കാണണം എന്ന് ആഗ്രഹിച്ചിരിയ്ക്കുന്നവർ തമ്മിൽ കാണുന്നു.അതിനു മാന്യമായ ഒരു സ്ഥലവും മോശമല്ലാത്ത ഒരു ആഹാരവും ഏർപ്പാടു ചെയ്യുന്നു.അതിനുള്ള ചെലവല്ലേ ഇത്.ഇന്നിപ്പോൾ 250 രൂപയുടെ മൂല്യം എത്രയോ കുറവാണ്.നാട്ടിൽ പണ്ട് ധാരാളമായി കിട്ടുന്ന നെയ്‌‌മീൻ( നൻ‌മീൻ എന്നും അയ്‌ക്കൂറ എന്നും പറയും) അതിനു ഇവിടെ ചെന്നൈയിൽ കിലോയ്ക്കു 500 രൂപയാണു.വിശ്വസിയ്ക്കാൻ പറ്റുന്നുണ്ടോ? ആർക്കും വേണ്ടാതിരുന്ന അയലയ്ക്ക് കിലോ 150 രൂപയാണ്.നിത്യവും മീൻ കൂട്ടി ചോറുണ്ണുന്ന മലയാളി എന്തു ചെയ്യും?

അപ്പോൾ നമ്മൾ തന്നെയാണു രൂപയുടെ മൂല്യം നിശ്ചയിക്കേണ്ടത്.ഈ ഒരു പരിപാടിയിൽ പങ്കെടുക്കാൻ വേണ്ടി മാത്രം ആയിരം രൂപയോളം ചെലവു ചെയ്ത് എന്നെപ്പോലെ പലരും വരുന്നു.അതു കൈ നിറയെ പണം ഉണ്ടായിട്ടല്ല.അതിൽ നിന്നു കിട്ടുന്ന ആനന്ദമുണ്ടല്ലോ,അതു വിലമതിയ്ക്കാനാവാത്തത് ആയതു കൊണ്ട് മാത്രമാണ്.മാത്രവുമല്ല ചെലവ് എത്രമാത്രം കുറയ്ക്കാമെന്ന് ഇനിയും ആലോചിയ്ക്കുന്നുവെന്ന് ഇതിന്റെ വോളണ്ടിയർമാർ പറഞ്ഞിട്ടുമുണ്ട്.

ഇതൊരു വൻ‌വിജയമാക്കാൻ എല്ലാം മറന്ന് പിന്നണിയിൽ പ്രവർത്തിയ്ക്കുന്നവർക്ക് പ്രചോദനം നൽ‌കുകയാണു നമ്മൾ ചെയ്യേണ്ടതെന്ന് ഞാൻ വിശ്വസിയ്ക്കുന്നു.

ഇത് ഒരു ചര്‍ച്ചയ്ക്കുള്ള വേദി ആയി കാണാത്തതിനാല്‍ കമന്റ് ഓപ്ഷന്‍ ഞാന്‍ അടക്കുന്നു.

മമ്മൂട്ടി ലോഹിയുമായി വീണ്ടും !

2009-07-08T12:17:00.003+05:30

ആരൊക്കെയോ പറഞ്ഞു........
മമ്മൂട്ടി ബ്ലോഗ് എഴുത്ത് നിര്‍ത്തിയെന്ന്...........

മറ്റുള്ള പ്രമുഖ സെലിബ്രിറ്റികളെപ്പോലെ മമ്മൂട്ടിയും തെറികള്‍ പേടിച്ചു ബൂലോകം വിട്ടു പോയെന്ന് , പേരെടുത്തു പറയാതെ പരോക്ഷമായി ഒരു പത്രം എഴുതി.

എല്ലാവര്ക്കും ഉള്ള മറുപടി , ദാ , ഇവിടെ . അങ്ങനെ മമ്മൂട്ടിയും വീണ്ടും ബൂലോകത്ത് സജീവമാകാന്‍ പോകുന്നു.

ചെറായി - വഴി മാറ്റം.

2009-06-25T12:52:00.015+05:30

ചെറായി ദേവസ്വം നട കവലയില്‍ നിന്നും ചെറായി ബീച്ചിലേക്കുള്ള വഴിയില്‍ വികസനത്തിന്‌ തടസ്സമായി നിന്ന മരപ്പാലം , തദ്ദേശ വാസികളുടെ ഏറെക്കാലത്തെ ആവശ്യപ്രകാരം മാറ്റി പണിയുവാന്‍ തുടങ്ങിയിരിക്കുന്നതിനാല്‍
ചെറായി മീറ്റ്‌ - ചില വിവരങ്ങള്‍ എന്ന മുന്‍ പോസ്റ്റില്‍ പറഞ്ഞിരിക്കുന്ന വഴി വിവരണങ്ങളില്‍ ചെറിയൊരു വ്യത്യാസം ഉണ്ട്. പുതിയ വഴി ഇനി പറയും വിധമാണ്. ചിത്രത്തില്‍ പുതിയ വഴി വിശദമായി രേഖപ്പെടുത്തിയിട്ടുമുണ്ട്‌. ചിത്രത്തില്‍ നീല വര കൊണ്ട് മാര്‍ക്ക്‌ ചെയ്തിരിക്കുന്നതാണ് പുതിയ വഴി.

എല്ലായിടത്ത് നിന്നും ദേവസ്വം നട കവല വരെ എത്തിച്ചേരുവാനുള്ള വഴികളില്‍ മാറ്റമില്ല. എന്നാല്‍ ദേവസ്വം നട എത്തി വലത്തോട്ട് തിരിയുന്നതിന് പകരം ഇടത്തേക്ക് - എറണാകുളം വൈപ്പിന്‍ റോഡിലേക്ക് തിരിഞ്ഞു, അല്‍പ്പം കൂടി മുന്നോട്ട് പോയി വലത്തോട്ടുള്ള രക്തേശ്വരി റോഡിലേക്ക് കയറി കുറേക്കൂടി മുന്നോട്ടു പോയി ബീച്ച് റോഡിലെത്തി വലത്തോട്ട് തിരിഞ്ഞാല്‍ ബീച്ചില്‍ എത്താം.

അതുപോലെ , കോഴിക്കോട് മലപ്പുറം ഭാഗത്ത് നിന്നും സ്വകാര്യ വാഹനങ്ങളില്‍ വരുന്നവര്‍ക്ക് കൊടുങ്ങല്ലൂര്‍ കഴിയുമ്പോള്‍ ഉള്ള രണ്ടു കോട്ടപ്പുറം പാലം കടന്നു മൂത്തകുന്നം കവലയില്‍ എത്താം. അവിടെ നിന്നും വലത്തോട്ട് തിരിഞ്ഞു, ചെട്ടിക്കാട്‌ വഴി മാല്യങ്കര പാലത്തില്‍ എത്തണം. പാലം ഇറങ്ങി വലത്തോട്ട് തിരിഞ്ഞാല്‍ മുനമ്പം ചെറായി ബീച്ച് റോഡ്‌ എത്തും . അവിടെ നിന്നും ഇടത്തോട്ടു തിരിഞ്ഞു ചെറായി ബീച്ചില്‍ എത്താം . പറവൂര്‍ വഴി വരുന്നതിനേക്കാള്‍ ഏകദേശം 3 -4 കിലോ മീറ്ററോളം ലാഭിക്കാം.

എറണാകുളം ഹൈക്കോടതി കവലയില്‍ നിന്നും വരുന്നവര്‍ ചെറായി ഗൌരീശ്വര ക്ഷേത്രം കഴിഞ്ഞു അല്‍പ്പം കൂടി മുന്നോട്ടു പോയി ദേവസ്വം നട കവലയില്‍ എത്തുന്നതിനു മുന്പായി ഇടത്തോട്ടു തിരിഞ്ഞു രക്തേശ്വരി റോഡു വഴി ബീച്ചില്‍ എത്താം

ഇടുക്കി ജില്ലയില്‍ നിന്നും വരുന്നവര്‍ക്ക് ആലുവ യിലെത്തി പറവൂര്‍ വഴി വരുന്നതായിരിക്കും എളുപ്പ മാര്‍ഗ്ഗം.

ചെറായിയിലെ ചില അരുതായ്കകളെ ക്കുറിച്ച് ഒരു പോസ്റ്റ്‌ ഇട്ടിട്ടുണ്ട്. ചെറായി യില്‍ വരൂവാനുള്ള തയാറെടുപ്പില്‍ അത് കൂടി മനസ്സിലാക്കിയാല്‍ നന്ന്. അത് ഇവിടെ വായിക്കാം.

മീറ്റ്‌ സമയത്ത് 9447326743 എന്ന നമ്പറില്‍ വിളിച്ചാല്‍ വിശദമായി വഴി പറഞ്ഞു തരാം.

ചെറായി മീറ്റ് ഗാനം
രചന: ജയകൃഷ്ണന്‍ കാവാലം സംഗീതം, ആലാപനം: ഡോ. എന്‍.എസ്. പണിക്കര്‍

Blog Geetham Final...

ചെറായി മീറ്റ് : ചില വിവരങ്ങള്‍

2009-06-18T22:11:00.015+05:30

എല്ലാവരും ഏറെ ആവേശത്തോടെ കാത്തിരിക്കുന്ന ചെറായി മീറ്റ് അടുത്ത് കൊണ്ടിരിക്കുകയാണ്. ഈ ഘട്ടത്തില്‍
ചെറായി യെ ക്കുറിച്ചുള്ള ചില വിവരങ്ങള്‍ നല്കുന്നത് പ്രയോജന പ്രദം ആകുമെന്ന് കരുതുന്നതിനാല്‍ ഈ പോസ്റ്റ് പ്രസിദ്ധീകരിക്കുന്നു.

കേരളത്തിന്റെ ഏതാണ്ട് മധ്യ ഭാഗത്തായി വരുന്ന തീരപ്രദേശം ആണ് ചെറായി. കടലും കായലും സംഗമിക്കുന്ന ഒരപൂര്‍വ്വതയാണ് ചെറായി ക്കുള്ളത് . അതിനാല്‍ തന്നെ ഇവിടുത്തെ സായാഹ്നം ആണ് ഏറെ ആസ്വാദ്യകരം.
വൈപ്പിന്‍ കര യുടെ വടക്കു മാറി ഏതാണ്ട് അവസാന ഭാഗം എന്ന് വിശേഷിപ്പിക്കാവുന്നിടതാണ് ചെറായി യുടെ സ്ഥാനം . അത് കഴിഞ്ഞാല്‍ മുനമ്പം എന്ന സ്ഥലം. പെരിയാര്‍ കടലിലേക്ക്‌ ഒഴുകിചെരുന്നത് ഇവിടെ യാണ്. മറുകര തൃശൂര്‍ ജില്ലയിലെ കൊടുങ്ങല്ലൂര്‍ അഴീക്കലും. ഏതാണ്ട് 15 കിലോ മീറ്റര്‍ നീളുന്ന കരയാണ്‌ ചെറായി ബീച്ചിനു ഉള്ളതെങ്കിലും 2-3 കിലോ മീറ്റര്‍ മാത്രമെ " ബീച്ച് " എന്ന് വിശേഷിപ്പിക്കുന്ന പ്രധാന ഭാഗത്തിനുള്ളൂ.

വൃത്തിയാണ് ചെറായി ബീച്ചിന്റെ മുഖമുദ്ര . സുനാമിത്തിരകള്‍ മനോഹരമായിരുന്ന ബീച്ചിനെ പാടെ തകര്തുകളഞ്ഞിരുന്നു. പിന്നീട് പുനര്‍നിര്‍മ്മിച്ച ബീച്ചിനു പഴയ ഭംഗിയും വൃത്തിയും അല്പം കുറഞ്ഞു പോയിട്ടുണ്ട് എന്ന വസ്തുത നിസ്സംശയം പറയാം.

1341 ല്‍ പെരിയാറിലുണ്ടായ ഒരു മഹാ പ്രളയത്തെ തുടര്‍ന്നാണ്‌വൈപ്പിന്‍ എന്ന പ്രദേശം രൂപം കൊണ്ടത്. അതില്‍ വടക്കേ അറ്റത്തെ പ്രദേശം ഏറെ ചെളി കൊണ്ടു നിറഞ്ഞിരുന്നു. നാടന്‍ ഭാഷയില്‍ " ചേര്‍" എന്ന് വിളിക്കുന്ന വാക്കില്‍ നിന്നും ഉരുത്തിരിഞ്ഞു വന്നതാണ് ചെറായി എന്ന പേര്‍ . ഇപ്പോഴും ഈ പ്രദേശം കറുത്ത മണ്ണ് കൊണ്ടു സമൃദ്ധവും ആണ്.

ഇവിടേയ്ക്ക് എത്തിച്ചേരുവാനുള്ള വഴികളെക്കുറിച്ച് ആണ് ഇനി പ്രദിപാദിക്കുന്നതു :-

എറണാകുളം ഹൈ ക്കോടതി കവലയില്‍ ല്‍ നിന്നും ഇവിടേയ്ക്ക് നേരിട്ടു സ്വകാര്യ ബസ്സ് സര്‍വ്വീസ് ഉണ്ട്. ഓരോ 5 മിനിട്ട് ഇടവിട്ടും ഇവിടെ നിന്നു ബസ്സ് പുറപ്പെടുന്നു. വൈപ്പിന്‍ വഴി ഏതാണ്ട് 27 കിലോ മീറ്റര്‍ സഞ്ചരിച്ചാല്‍ ചെറായി ദേവസ്വം നട കവലയില്‍ എത്തും. ഇവിടെ നിന്നും 2 കിലോ മീറ്ററോളം ഓട്ടോ റിക്ഷയില്‍ സഞ്ചരിചെങ്കില്‍ മാത്രമെ ബീച്ചില്‍ എത്തി ചേരുകയുള്ളൂ . ബീച്ച് ഭാഗത്തേക്ക് ബസ്സുകള്‍ തീരെ കുറവായതിനാല്‍ ഓട്ടോ യില്‍ സഞ്ചരിക്കുന്നത്‌ തന്നെ യായിരിക്കും ഉത്തമം. മറ്റു വാഹനങ്ങളില്‍ വരുന്നവര്‍ ദേവസ്വം നട കവലയില്‍ നിന്നും നേരെ തന്നെ മെയിന്‍ റോഡ് വഴി പോയി ഇടത്തോട്ടു തിരിഞ്ഞു ഇടതു ഭാഗത്തെ ചെറിയ റോഡിലേക്ക് കയറി നേരെ പോയാല്‍ ബീച്ചില്‍ എത്തിച്ചേരാം.

പാലക്കാട് , തൃശൂര്‍ വഴി വരുന്നവര്‍ ആലുവ എത്തുന്നതിനു മുന്പുള്ള പറവൂര്‍ കവലയില്‍ ഇറങ്ങി സ്വകാര്യ ബസ്സ് വഴി വടക്കന്‍ പറവൂര്‍ - ചെറായി ദേവസ്വം നടയിലെത്തി ഓട്ടോ പിടിച്ചു ബീച്ചില്‍ എത്താം. മറ്റു വാഹനങ്ങളില്‍ വരുന്നവര്‍ ആലുവയ്ക്കു മുന്പായി പറവൂര്‍ ക്കവലയില്‍ നിന്നും വലത്തോട്ട് തിരിഞ്ഞു ഏതാണ്ട് 16 മീറ്റര്‍ സഞ്ചരിച്ചു പറവൂര്‍ ടൌണ്‍ കടന്നു, മുനിസിപ്പല്‍ ഓഫീസ് കവലയിലെത്തി ഇടത്തോട്ടു തിരിഞ്ഞു KMK കവലയിലെത്തി വീണ്ടും വലത്തോട്ട് തിരിഞ്ഞു നേരെ വന്നാല്‍ ചെറായി ദേവസ്വം നടയായി. അവിടെ നിന്നും വലത്തോട്ട് തിരിഞ്ഞു, വീണ്ടും ഇടത്തേക്ക് തിരിഞ്ഞു ഇടതു ഭാഗത്തുള്ള ചെറിയ ബീച്ച് റോഡ് ലേക്ക് പ്രവേശിക്കണം. ആലുവയില്‍ നിന്നും 21 കിലോമീറ്റര്‍ .

കോഴിക്കോട്‌ , ഗുരുവായൂര്‍ ഭാഗങ്ങളില്‍ നിന്നും വരുന്നവര്‍ വടക്കന്‍ പറവൂര്‍ ബസ്സ്‌ സ്ടാണ്ടില്‍ ഇറങ്ങി ചെറായി ക്കുള്ള ബസ്സ് കയറി ദേവസ്വം നട യിലിറങ്ങി ഓട്ടോ പിടിച്ചു ബീച്ചില്‍ എത്താം . മറ്റു വാഹനങ്ങളില്‍ വരുന്നവര്‍ പറവൂര്‍ മുനിസിപല്‍ കവലയില്‍ നിന്നും നേരെ പോയി KMK കവലയില്‍ നിന്നും വലത്തോട്ട് തിരിഞ്ഞു ദേവസ്വം നടയിലെത്തി വലത്തോട്ട് തിരിഞ്ഞു ഇടത്തോട്ടുള്ള ബീച്ച് റോഡില്‍ പ്രവേശിക്കണം. പറവൂരില്‍ നിന്നും ഏകദേശം 6 കിലോ മീറ്റര്‍

ഇടപ്പള്ളി , പാലാരിവട്ടം ഭാഗത്ത് നിന്നും വരുന്നവര്‍ക്ക് ഇടപ്പള്ളി സ്റ്റേഷന്‍ കവലയില്‍ നിന്നും വടക്കന്‍ പരവൂര്‍ക്കുള്ള ബസ്‌ കിട്ടും . പറവൂരില്‍ ഇറങ്ങി ചെറായി ബസ്‌ പിടിച്ചു ദേവസ്വം നടയിലിറങ്ങി ഓട്ടോ വഴി ബീച്ചില്‍ എത്താം . ഇടപ്പള്ളിയില്‍ നിന്നും 25 കിലോമീറ്റര്‍ .

തിരുവനന്തുപുരം ആലപ്പുഴ ഭാഗത്ത് നിന്നും മറ്റു വാഹനങ്ങളില്‍ വരുന്നവര്‍ വൈറ്റില ജങ്ങ്ഷന്‍ , പാലാരിവട്ടം ജന്ഗ്ഷനും കടന്നു ബൈപ്പാസ് വഴി തന്നെ ഇടപ്പള്ളി ജങ്ങ്ഷനില്‍ എത്തി നേരെ തന്നെ വരാപ്പുഴ വഴി KMK കവലയില്‍ നിന്നും ഇടത്തോട്ടു തിരിഞ്ഞു ദേവസ്വം നടയിലെത്തി വലത്തോട്ട് തിരിഞ്ഞു ഇടതു ഭാഗത്തെ ബീച്ച് റോഡില്‍ പ്രവേശിക്കണം.

ആലുവ യാണ് ചെറായി യുടെ ഏറ്റവും അടുത്ത റെയില്‍വേ സ്റ്റേഷന്‍ . അവിടെ യിറങ്ങി സ്വകാര്യ ബസ്‌ വഴി നേരിട്ടു ചെറായി യില്‍ ഇറങ്ങാം. ഓരോ അര മണിക്കൂര്‍ കൂടുമ്പോള്‍ മാത്രമെ ചെറായി ബസ്സ്‌ കിട്ടുകയുള്ളൂ. അതിനാല്‍ പറവൂര്‍ ബസ്സില്‍ കയറി അത് വഴി ചെറായിയില്‍ എത്തിയാല്‍ കുറച്ചു സമയം ലാഭിക്കാം. ദൂരം 25 കിലോ മീറ്റര്‍.

നെടുമ്പാശ്ശേരി അന്താ രാഷ്ട്ര വിമാനത്താവളത്തില്‍ നിന്നും 30 കിലോ മീറ്റര്‍ ആണ് ദൂരം. ആലുവായ്ക്കു മുന്പ് പറവൂര്‍ ക്കവലയില്‍ നിന്നും വലത്തോട്ട് തിരിഞ്ഞു ചെറായിയില്‍ എത്താം.

വാഹനങ്ങളില്‍ വരുന്നവര്‍ എറണാകുളം സിറ്റി യിലൂടെ യുള്ള വരവ് പരമാവധി ഒഴിവാക്കണം. ഞായറാഴ്ച ആണെങ്കില്‍ ക്കൂടിയും രാവിലെ സമയങ്ങളില്‍ ബ്ലോക്ക് ഉണ്ടാകുവാന്‍ സാധ്യതയുണ്ട്. KSRTC ബസ്‌ വഴി വരുന്നവര്‍ ഓട്ടോ റിക്ഷ പിടിച്ചു ഹൈ കോര്‍ട്ട് കവലയിലെത്തി ചെറായി വഴി ബസ്‌ കയറി ദേവസ്വം നടയില്‍ ഇറങ്ങുക.

ചെറായി ബീച്ച് വികസനം ഉദ്ദേശിച്ച് ബീച്ച് പാലം പണി നടക്കുന്നതിനാല്‍ മേല്‍ വിവരിച്ച വഴികളില്‍ ചെറിയ ഒരു വ്യത്യാസം ഉണ്ട്. അത് ഇവിടെ ചിത്ര സഹിതം വായിക്കാം.

ഇനി ചെറായി യുടെ ചില പ്രത്യേകത കളെ ക്കുറിച്ച് വിവരിക്കാം :

പറവൂര്‍ വഴി വരുന്നവര്‍ക്ക് ചെറായി എത്തുന്നതിനു മുന്പായി " ഗേറ്റ് വെ ഓഫ് ചെറായി " എന്ന മനോഹര പ്രദേശം കാണാന്‍ കഴിയും . ഇവിടെ വിശ്രമിക്കുവാനുള്ള സൌകര്യം ഉണ്ട്. ഒരു മുസിക്കല്‍ വാക്ക്‌ വേ ആയി വിഭാവനം ചെയ്ത ഈ പ്രദേശത്ത് മ്യൂസിക്‌ മാത്രം ഇതു വരെ എത്തിക്കാന്‍ അധികാരികള്‍ക്ക് സാധിച്ചിട്ടില്ല.
വീണ്ടും നേരെ യാത്ര ചെയ്‌താല്‍ " ചെറായി പ്പാലം " കാണാന്‍ സാധിക്കും. അതിന്റെ ഇടതു വശത്തുള്ള ചീന വലക്കൂട്ടം കാണേണ്ടത് തന്നെ.

പിന്നെ ഏതാനും മീറ്ററുകള്‍ കൂടി സഞ്ചരിച്ചാല്‍ ദേവസ്വം നടയായി.
1869 ല്‍ സ്ഥാപിത മായ അഴിക്കല്‍ ശ്രീ വരാഹ ക്ഷേത്രം ഇവിടെയാണ്‌. വര്‍ഷത്തില്‍ രണ്ടു തവണ ഉത്സവം നടക്കുന്ന ഈ ബ്രാഹ്മണ ക്ഷേത്രത്തിലെ രഥോല്സവം , വെള്ളിയില്‍ തീര്ത്ത പല്ലക്കും പ്രസിദ്ധമാണ്.

ദേവസ്വം നടയില്‍ നിന്നും ഇടത്തേക്ക് പോയാല്‍ പ്രസിദ്ധമായ ചെറായി ഗൌരീശ്വര ക്ഷേത്രം കാണാം . എറണാകുളം ജില്ലയിലെ തന്നെ പ്രധാന ക്ഷേത്രമാണ് ഇതു. 1912 ല്‍ ശ്രീ നാരായണ ഗുരുദേവന്‍ നേരിട്ടു ഇവിടെ പ്രതിഷ്ഠ നടത്തി. " മലയാള പഴനി" എന്ന അപര നാമവും ഈ ക്ഷേത്രതിനുണ്ട്. ഏറ്റവും കൂടുതല്‍ ആനകളെ പങ്കെടുപ്പിച്ചു കൊണ്ടുള്ള ജില്ലയിലെ ഏറ്റവും വലിയ ക്ഷേത്രോല്സവമായി ഇവിടുത്തെ ഉത്സവത്തെ കാണുന്നു.
കുട മാറ്റങ്ങളും , വെടിക്കെട്ടും, ആനകളുടെ തലപ്പോക്ക മത്സരങ്ങളും കൊണ്ടു എറണാകുളത്തെ " തൃശൂര്‍ പ്പൂരം " എന്നൊരു വക ഭേദം കൂടി നാട്ടാര്‍ക്കിടയിലുണ്ട്. ചെറായി പ്പൂരം ഒരു പാടു വിദേശികളെയും ആകര്‍ഷിക്കുന്നു.

അതുപോലെ തന്നെ ഡിസംബര്‍ മാസത്തില്‍ നടത്തുന്ന ചെറായി മേളയും പ്രസിദ്ധമാണ്. ഒരാഴ്ച നീണ്ടു നില്ക്കുന്ന ഈ മേളയില്‍ ദിവസേന ഗജമേളയും അരങ്ങേറുന്നു. 7 - 8 വര്‍ഷമായി ആരംഭിച്ചിട്ടുള്ള ഈ മേളക്ക് എത്തുന്നവര്‍ ലക്ഷങ്ങള്‍ കവിയും.

മത്സ്യ ബന്ധനവും ടൂറിസവും ആണ് പ്രദേശത്തെ പ്രധാന വരുമാന മാര്‍ഗ്ഗം.

ബീച്ചിനോട് ചേര്ന്നു ഏറെ സ്വകാര്യ റിസോര്‍ട്ടുകളും മറ്റുമുണ്ട്. തീര പ്രദേശ സംരക്ഷണ നിയമം നില നില്‍ക്കുന്നതിനാല്‍ , കോണ്‍ ക്രീറ്റും മറ്റും ഉപയോഗിക്കാതെ മെടഞ്ഞെടുത്ത തെങ്ങോലകള്‍ കൊണ്ടും പനമ്പ് കൊണ്ടും തനി കേരളീയ ശൈലിയില്‍ നിര്‍മ്മിച്ചിരിക്കുന്ന റിസോര്‍ട്ടുകളുടെ ഭംഗി കാണേണ്ടത് തന്നെ. ഇവയൊക്കെ ചെറായി കാഴ്ചകള്‍ക്ക് മാറ്റ് കൂട്ടുന്നവയാണ്.

ദേവസ്വം നടയില്‍ നിന്നും ബീച്ചിലേക്കുള്ള യാത്രാ മദ്ധ്യേ, കായലില്‍ പെഡല്‍ ബോട്ട് ഓടിക്കുവാനുള്ള സൌകര്യം ഉണ്ട്. രണ്ടു പേര്‍ക്കിരിക്കാവുന്ന ഈ ബോട്ടിലെ സായാഹ്ന സവാരി വേറിട്ടോരനുഭവം ആയിരിക്കും.
നിരക്ക് 25 രൂപ അര മണിക്കൂറിനു.

ചെറായിയില്‍ എത്തുന്നവര്‍ തീര്‍ച്ചയായും കണ്ടിരിക്കേണ്ട സ്ഥലങ്ങള്‍ കൂടിയുണ്ട്. : - സഹോദരന്‍ അയ്യപ്പന്റെ ജന്മ ഗൃഹം, പള്ളിപ്പുറം കോട്ട, പിന്നെ മുനമ്പം പുലി മുട്ടും.
അന്തരിച്ച പ്രശസ്ത സിനിമ താരം ശ്രീ ശങ്കരാടി യുടെ നാടാണ് ചെറായി എന്ന കാര്യവും ഈ അവസരത്തില്‍ പ്രതിപാദിക്കട്ടെ. അദ്ധേഹത്തിന്റെ ബഹുമാന സൂചകമായി ശങ്കരാടി റോഡും സ്മാരകമായി ഉണ്ട്.

ചെറായി ബീച്ച് റോഡ്‌ വഴി വടക്കോട്ട്‌ 3-4 കിലോ മീറ്റര്‍ സഞ്ചരിച്ചാല്‍ മുനമ്പം പുലി മുട്ടില്‍ എത്താം. കടലിനെ തുളച്ചു കയറിയെന്ന പോലെ ഇരിക്കുന്ന ഈ പുലി മുട്ടിലൂടെ നടന്നു വ്യത്യസ്തമായൊരു കാഴ്ചാനുഭൂതി നുകരാനാകും.

ഇവിടെ അടുത്തായിട്ടാണ് മുനമ്പം ഫിഷിംഗ് ഹാര്‍ബര്‍ ഉള്ളത്. എറണാകുളം ,തൃശൂര്‍ ജില്ലകളിലെ ഭൂരിഭാഗം മത്സ്യ വിതരണം നടക്കുന്നതും ഇവിടെ നിന്നാണ്.

ബാക്കിയെല്ലാം നേരില്‍ .........ചെറായി സന്ദര്‍ശിക്കുവാനുള്ള ഈ അവസരം എല്ലാ ബ്ലോഗ്ഗേര്‍സും പ്രയോജനപ്പെടുതുമെന്നു കരുതുന്നു.
അതിരുകളില്ലാത്ത സൌഹൃദത്തിന്റെ ഒരു നേര്‍ക്കാഴ്ച .
ഓ ഹ് .................................

വിട്ടുപോയ മറ്റൊന്ന് കൂടി ഉണ്ട്........

നമ്മെയെല്ലാം ബന്ധിപ്പിക്കുന്ന കണ്ണി യായ ഇന്റര്‍ നെറ്റ് കേബിളുകള്‍ കടലിനടിയിലൂടെ ഇന്ത്യ യില്‍ എത്തുന്നതും ചെറായിയില്‍ ആണ് !!!!!!!!!!!!!!!!!!!!!!!

ചെറായിയിലെ അരുതായ്കകള്‍ എന്തോക്കെയാനെന്നറിയാന്‍ ഇവിടെ ക്ലിക്ക്‌ ചെയ്യുക. ഏവരും നിര്‍ബ്ബന്ധമായും അറിഞ്ഞിരിക്കേണ്ടതാണ് ഇവ.

ചെറായി യെ ക്കുറിച്ച് ഇനിയും അറിയണമെന്നുണ്ടോ ? ദാ, ഇവിടെ ക്ലിക്കിയാല്‍ മതി.

ചെറായി യില്‍ ഷൂട്ട്‌ ചെയ്ത എന്റെ ഒരു ആല്‍ബം കാണൂ.

ചിത്രങ്ങള്‍ക്ക് കടപ്പാട്‌ : sreejithtt,sashraj,binux,ganjihad,bobinson,jomino,pandiyan,giri23kr,seny

ചെറായിയിലെ അരുതായ്കകള്‍

2009-06-18T13:21:00.037+05:30

ചെറായി സന്ദര്‍ശനത്തിന് എത്തുന്നവര്‍ അറിഞ്ഞിരിക്കേണ്ട ചില അപകട സാധ്യത കളെ ക്കുറിച്ചാണ് ഇവിടെ പ്രതിപാദിക്കുന്നതു .

പറവൂരില്‍ നിന്നും വരുമ്പോള്‍ ചെറായി ഗേറ്റ് വേ റോഡിനു ഇരുവശവും കാണുന്ന "പോയില്‍" അഥവാ "പൊഴി" എന്ന് വിളിക്കുന്ന വെള്ളമുള്ള പ്രദേശങ്ങള്‍ ചെളി നിറഞ്ഞു അപകടം നിറഞ്ഞവയാണ്. ഈ പ്രദേശങ്ങളില്‍ പൊക്കാളി - മത്സ്യ കൃഷി നടത്തുന്നവയാണ്. ഇത് പല സ്വകാര്യ വ്യക്തികളും പാട്ടത്തിനു എടുത്തു നടത്തുന്നവയാണ്. അതിനാല്‍ ഈ പ്രദേശങ്ങളില്‍ ഇറങ്ങുവാനോ, ഏതെങ്കിലും രീതിയില്‍ മത്സ്യം പിടിക്കുവാനോ പാടുള്ളതല്ല.

ചെറായി ബീച്ചിനടുത്തുള്ള കായലില്‍ ബോട്ടിംഗ് നടത്തുവാനുള്ള സൌകര്യം ലഭ്യമാണ്. സവാരിക്കായി ബോട്ട് ലഭിക്കുമ്പോള്‍ ലീക്ക്‌, സുഗമമായ പ്രവര്‍ത്തനം ഇല്ലാത്തവ എന്നിങ്ങനെയുള്ള കാര്യങ്ങള്‍ ശ്രദ്ധിക്കേണ്ടതാണ്. ബോട്ടിലേക്ക് കയറുവാനുള്ള പ്ലാറ്റ്‌ ഫോമില്‍ അധികം ആള്‍ക്കാര്‍ കയറി നില്‍ക്കുവാന്‍ പാടില്ല. മുള മരം കൊണ്ട് നിര്‍മ്മിച്ച ഈ പ്ലാറ്റ് ഫോം നാലോ - അഞ്ചോ ആള്‍ക്കാരെ മാത്രം താങ്ങുവാന്‍ ശേഷിയുള്ളതാണ്. ബോട്ടിംഗ് സവാരിക്കായി കായലില്‍ ചില അതിര്‍ വരമ്പുകള്‍ നിശ്ചയിച്ചിട്ടുണ്ട്. ഇവിടെ മുളങ്കമ്പുകള്‍ നാട്ടിയിട്ടുണ്ട്‌. ഈ പരിധി വിട്ടു പുറത്തേക്കു പോകുവാന്‍ പാടുള്ളതല്ല. കുട്ടികളുമായി വരുന്നവര്‍ പ്രത്യേകം ശ്രദ്ധിക്കണം. 10 വയസ്സില്‍ താഴെയുള്ളവരെ ബോട്ടില്‍ കയറ്റുന്നത് കര്‍ശനമായി നിരോധിച്ചിട്ടുണ്ട്.

മുനമ്പം മേഖലയിലെ പുലി മുട്ടില്‍ നിന്നും വ്യത്യസ്ത കാഴ്ചാനുഭൂതി നുകരാം. എങ്കില്‍ ക്കൂടിയും പുലി മുട്ടിലേക്ക് പ്രവേശിക്കുന്നത് സൂക്ഷിച്ചു വേണം. ഇവിടുത്തെ പാറ കളില്‍ വഴുക്കലുണ്ടാകുവാനുള്ള സാധ്യത കൂടുതലാണ്. എന്തെങ്കിലും തരത്തിലുള്ള ശാരീരിക വൈകല്യമുള്ളവര്‍, അസുഖങ്ങളുള്ളവര്‍ ഈ പ്രദേശത്തേക്ക് കടക്കരുത്. ചില സമയങ്ങളില്‍ തിരമാലകള്‍ പുലി മുട്ടില്‍ വീശിയടിക്കുവാന്‍ സാധ്യതയുള്ളതിനാല്‍ പ്രത്യേക കരുതല്‍ വേണം. ക്യാമറ , മൊബൈല്‍ മുതലായ ഇലക്ട്രോണിക് ഉപകരണങ്ങള്‍ കഴിവതും ഇങ്ങോട്ട് കൊണ്ട് വരാതിരിക്കുക.

ഇനി അവസാനമായി, എന്നാല്‍ ഏറ്റവും കരുതല്‍ വേണ്ട ഒരു അപകട സാധ്യതയെ ക്കുറിച്ചാണ് പ്രതിപാദിക്കുന്നത്.
ഇതു ഏവരും ശ്രദ്ധയോടെ മനസ്സിലാക്കേണ്ടതാണ്. ഇതു കടലില്‍ ഇറങ്ങുന്നവര്‍ക്ക് വേണ്ടിയുള്ളതാണ്. ബീച്ചിലെ കടലില്‍ ഇറങ്ങുന്നവര്‍ക്കായി 12 പേര്‍ അടങ്ങുന്ന ലൈഫ് ഗാര്‍ഡുമാര്‍ ഉണ്ട്. എന്നാല്‍ ഇവര്‍ക്കായി ഒരു പരിധി നിശ്ചയിച്ചിട്ടുണ്ട്. ഇവരുടെ പരിധി വിട്ടു ആരും തന്നെ കടലില്‍ ഇറങ്ങരുത്. ചെറായിയില്‍ " താര് " എന്ന ഒരു കടല്‍ പ്രതിഭാസം കൂടുതലായി കാണപ്പെടുന്നു. അതായത് ശക്തമായി തീരതെതുന്ന കടല്‍ തിരമാലകള്‍ തിരിച്ചു കടലിലേക്ക്‌ മടങ്ങുമ്പോള്‍ ഇരു ഭാഗത്ത് നിന്നും ഒതുങ്ങി മധ്യഭാഗത്ത്‌ വലിയൊരു ചുഴിയോടെ പിന്‍വാങ്ങുകയും ചെയ്യുന്നൊരു പ്രതിഭാസം ആണ് ഇത്. കൃത്യമായി ഈ ചുഴി പ്രദേശത്ത് പെടുന്നയാളെ അതി ശക്തമായി തിരമാലകള്‍ പിന്നോട്ട് പിടിച്ചു വലിക്കുന്നു. എത്ര വലിയ നീന്തല്‍ വിദഗ്ദന്‍ ആയാല്‍ ക്കൂടിയും രക്ഷപെടാന്‍ പറ്റാത്തത്രയും ശക്തിയോടെ തിരമാല അയാളെ മലര്‍ത്തി യടിക്കും. ഈ സമയത്ത് അല്‍പ നേരത്തേക്കെങ്കിലും സമചിത്തത കൈ വിടുന്നയാളെ ആഴക്കടലിലേക്ക് വെള്ളത്തിനൊപ്പം വലിച്ചുകൊണ്ടുപോകും. ഇത്തരം "താര്" എന്ന കടല്‍ പ്രതിഭാസത്തില്‍ യാദൃശ്ചികമായി പെട്ട് പോകുകയാണെങ്കില്‍ രക്ഷയ്ക്കായി ഒരിക്കലും നേരെ മുന്നോട്ടു ചാടരുത്. ഇതാണ് ഏറ്റവും ആപല്‍ക്കരം. ഇടത്തോട്ടോ വലത്തോടോ ശക്തിയായി കുതറി മാറി യാല്‍ താരില്‍ നിന്നും രക്ഷപെടാം. ബീച്ചില്‍ നിന്നും കടലിലേക്ക്‌ 15 മീറ്റര്‍ മാത്രമേ അടിത്തട്ടില്‍ വെള്ള മണലുള്ള സുരക്ഷിത പ്രദേശം ഉള്ളൂ. പിന്നീട് കുത്തനെയുള്ള ഇറക്കം ആണ്. കടലില്‍ ഇറങ്ങുന്നവര്‍ ലൈഫ് ഗാര്ടുമാരുടെ വിസിലടി ശബ്ധം കേട്ടാല്‍ അപായ സൂചന മനസ്സിലാക്കേണ്ടതാണ്. രൂക്ഷമായ കടല്‍ ക്ഷോഭവവും കറുത്ത വാവും ഉള്ള സമയങ്ങളില്‍ "താര്" എന്നാ പ്രതിഭാസം കൂടുതലായി കാണപ്പെടുന്നു.

പ്രദേശത്ത് പ്ലാസ്റ്റിക് മാലിന്യങ്ങള്‍ അലക്ഷ്യമായി നിക്ഷേപിക്കാതിരിക്കുവാന്‍ ശ്രദ്ധിക്കുക.

ചെറായി യെക്കുറിച്ച് പറഞ്ഞിരിക്കുന്ന ലേഖനത്തില്‍ കാണുന്ന ദ്രിശ്യ ഭംഗി സെപ്തെംബര്‍ മുതല്‍ മേയ്‌ വരെയുള്ള സമയങ്ങളില്‍ ആണ് ലഭ്യ മാകുക. വര്‍ഷക്കാലം ചെറായി സന്ദര്‍ശനത്തിന് അനുയോജ്യമല്ല. പക്ഷെ തിരക്കൊഴിഞ്ഞ ഈ സമയങ്ങള്‍ നമ്മുടെ ബ്ലോഗ്ഗേഴ്സ് സ് മീറ്റിനു ഏറെ അനുയോജ്യവും ആണ്.

ഹൃദയ ശസ്ത്രക്രിയ തികച്ചും സൗജന്യമായി !!!!!!

2009-06-15T06:34:00.003+05:30

ഹൃദയ ശസ്ത്രക്രിയ തികച്ചും സൗജന്യമായി !!!!!!

ബംഗലൂരു ശ്രീ സത്യാ സായി ഇന്‍സ്ടിടുട്ടില്‍ 10 വയസ്സില്‍ താഴെ യുള്ള കുട്ടികള്‍ക്കായി മാത്രം സൌജന്യ ഹൃദയ ശസ്ത്രക്രിയ നടത്തുന്നുണ്ട്.

08028411500 എന്ന ഫോണ്‍ നമ്പരില്‍ ബന്ധപ്പെട്ടാല്‍ പേര്‍ രെജിസ്ടര്‍ ചെയ്യാന്‍ സാധിക്കും . ഇന്ത്യ യിലെ കുട്ടികള്ക്ക് മാത്രമെ സൌജന്യം ലഭിക്കുകയുള്ളൂ .

ഹൃദയ വിഷമതകള്‍ മൂലം ബുദ്ധിമുട്ടുന്ന സാമ്പത്തികം കുറഞ്ഞ കുടുംബങ്ങള്‍ക്ക് ഈ വാര്ത്ത ആശ്വാസ മാകട്ടെ. ഇതു വായിക്കുന്ന താങ്കള്‍ മറ്റുള്ളവരെയും ഇക്കാര്യം അറിയിക്കുവാന്‍ വേണ്ട സന്മനസ്സു കാണിക്കുമല്ലോ ........

ചെറായി മീറ്റ് ....

2009-06-10T08:53:00.003+05:30

ചെറായി മീറ്റില്‍ എല്ലാവരെയും കാണുവാനും നേരിട്ടു പരിചയപ്പെടുവാനും എനിക്ക് അതിയായ ആഗ്രഹം ഉണ്ട്.
ഈ പദ്ധതി ആവിഷ്കരിച്ചവര്‍ ക്ക് എന്റെ അഭിനന്ദനങ്ങള്‍. ഒപ്പം ഈ മനോഹര ലോഗോ തയ്യാറാക്കിയ ആ അനോണിക്കും .

പ്രിയ സുഹൃത്തുക്കളെ, "ജോയുടെ വികൃതികള്‍ " എന്ന എന്റെ വേറൊരു ബ്ലോഗ് ചില ക്ഷണിക്കപ്പെട്ട വര്‍ക്കായി മാത്രം ഇപ്പോള്‍ ലഭിക്കുകയുള്ളൂ. ഏഷ്യാനെറ്റ്‌ USA യ്ക്ക് വേണ്ടി ശ്രീ . സോജി കറുകയില്‍ സംവിധാനം ചെയ്യുന്ന ഒരു ഓണം ടെലി പ്രോഗ്രാമ്മിന്റെ തിരക്കഥ അത് വഴി എഴുതിക്കൊണ്ടിരിക്കുന്നത്‌ കാരണം ആണ് ഇങ്ങനെ ചെയ്തിരിക്കുന്നത്. തിരക്കഥ പൂര്‍ത്തി യാകുമ്പോള്‍ "ജോയുടെ വികൃതികള്‍ " വീണ്ടും തുറക്കുന്നതായിരിക്കും.
മറ്റൊന്നുകൂടി , ബ്ലോഗു വഴി ലഭ്യമാകുന്ന മറ്റൊരുപ്രയോജനം. 250 USD ആണ് ഇതു വഴി എനിക്ക് ലഭിക്കുന്നത്‌.
അങ്ങനെ എന്തൊക്കെ സാധ്യതകള്‍ !!!!!!!!

ദൈവമേ ,എന്തിനീ ക്രൂരത.......

2009-04-22T20:27:00.003+05:30

എഴുതാതിരിക്കാന്‍ വയ്യ....

നമ്മുടെ പ്രിയ രാജീവ് ഗാന്ധി യെ കൊന്നവരെ അനുകൂലിച്ചും പ്രതികൂലിച്ചും പ്രസ്താവനകള്‍ ചാനലുകളിലും പത്ര മാസികകളിലും നിറഞ്ഞു കവിയുന്നു. .........

നമ്മുടെ അയാള്‍ രാജ്യമായ ശ്രീലങ്കയിലാണ് പ്രശ്നം . വേലുപ്പിള്ള പ്രഭാകരന്‍ എന്ന ഭീകരപ്രവര്തകനെ ഇല്ലായ്മചെയ്യാന്‍ അവിടുത്തെ സര്‍ക്കാര്‍ കാണിച്ചു കൂട്ടുന്ന പ്രവര്‍ത്തികള്‍ പൂര്‍ണ്ണമായും ലോകം അറിയുന്നില്ല. പത്ര വാര്‍ത്തകളും ദ്രിശ്യ മാധ്യമങ്ങളും സെന്‍സര്‍ ചെയ്തു വിടുന്നു. യു എന്‍ പ്രതിനിധികളെ പ്പോലും സര്‍ക്കാര്‍ അങ്ങോട്ടേക്ക് അടുപ്പിക്കുന്നില്ല. എല്‍ ടി ടി ഇ ഇക്കഴിഞ്ഞ ദിവസം പുറത്തു വിട്ട ചില വീഡിയോ ദൃശ്യങ്ങളും ഫോട്ടോകളും സര്‍ക്കാരിന്റെ ഭീകരതയെ തുറന്നു കാട്ടുന്നവയാണ്. തമിഴ് സംസാരിക്കുന്നു വെന്ന കാരണത്താല്‍ അനേകം ജനങ്ങള്‍ സൈന്യത്തിന്റെ അക്രമങ്ങള്‍ക്ക് ഇരയായിക്കഴിഞ്ഞു. മാതാവിന്റെ ഗര്‍ഭപാത്രത്തിലെ തുടിക്കുന്ന ജീവനെ പ്പോലും അവര്‍ വെറുതെ വിടുന്നില്ല. ഇവയെ ക്കുറിച്ച് വാക്കുകളില്‍ അധികം വിശദമാക്കുന്നില്ല. താഴെ നല്‍കിയിരിക്കുന്ന ചിത്രങ്ങളില്‍ നിന്നും എല്ലാവര്ക്കും ഈ ഭീകരതയെ അടുത്തറിയാം

ശ്രദ്ധിക്കുക :

താഴെ നല്‍കിയിരിക്കുന്ന ചിത്രങ്ങള്‍ വളരെ ഭീഭല്സമാണ്. ഇത് നിങ്ങള്‍ കാണണം എന്ന് ഞാന്‍ നിര്‍ബന്ധിക്കുന്നില്ല. മനസ്സിന് കട്ടിയുള്ളവര്‍ മാത്രം ഈ ചിത്രങ്ങള്‍ കണ്ടാല്‍ മതി എന്ന് ഞാന്‍ ഒരിക്കല്‍ ക്കൂടി വ്യക്തമാക്കുന്നു. ഈ ചിത്രങ്ങള്‍ മെയില്‍ ചെയ്തു തന്ന എന്റെ പ്രിയ സുഹൃത്തുക്കള്‍ കുവൈറ്റിലെ വിസാദ്, തിരുവനന്തുപുരത്തെ ഷാബു ഇളംപ , പാലക്കാട്ടെ ഷാജി മുള്ളൂക്കാരാന്‍ എന്നിവര്‍ക്ക് കടപ്പാട് ഇതോടൊപ്പം രേഖപ്പെടുത്തുന്നു.

ഒരിക്കല്‍ക്കൂടി, കാണാതിരിക്കുന്നതാണ് നല്ലത്.......

ഇതു ഒരു ഗര്‍ഭിണി യായ സ്ത്രീ സൈനിക ആക്രമണത്തില്‍ കൊല്ലപ്പെട്ട ചിത്രം. നോക്കൂ, ആ കുഞ്ഞിക്കാലുകള്‍......

ചിത്രങ്ങള്‍ ഒട്ടനവധി ഇനിയും ഉണ്ട്. ....പക്ഷെ പ്രസിദ്ധീകരിക്കുന്നില്ല. .....

കരുണയുള്ള ദൈവം ....

2009-04-07T08:26:00.003+05:30

ഈ ആല്‍ബം സംവിധാനം ചെയ്തിരിക്കുന്നത് തോമസ് തോപ്പില്‍ക്കുടി
നിര്‍മ്മാണം റവ.ഫാ. ബോസ്ക്കോ ഞാളിയത്ത് ,
ക്യാമറ & എഡിറ്റിംഗ് : ജോഹര്‍.കെ .ജെ. (Blogger JOE )
സംഗീതം പീറ്റര്‍ ചേരാനെല്ലൂര്‍
രചന ബേബി ജോണ്‍ കലയന്താനി
പാടിയത്‌ കെസ്റ്റര്‍

അഭിനേതാക്കള്‍ :
രാജേഷ് ഡിവൈന്‍, ( നായകന്‍ )
വിമല്‍, ജിയോ, സെബസ്റിന്‍ ( കൂട്ടുകാര്‍ )
ശെല്‍വരാജ് ( അച്ചന്‍ )
രാമന്‍ ചാക്യാര്‍ , സുഭദ്ര ചാക്യാര്‍ ( മാതാപിതാക്കള്‍ )
ബിന്ദു ശെല്‍വരാജ് ( വഴി യാത്രക്കാരി )

ശിവയ്ക്കും സരിജയ്ക്കും എന്റെ വക

2009-02-27T08:14:00.002+05:30

ഇതാ , അഭിമാനാര്‍ഹമായ തിളക്കം.

2009-02-23T09:30:00.005+05:30

My heartiest congratulation to those,who bring these awards to INDIA

ഓസ്കാര്‍ വേദിയില്‍ ഹിന്ദി ഗാനാലാപനം , തമിഴ് ചൊല്ലലുകള്‍. തികച്ചും അഭിമാനാര്‍ഹമായ
പ്രകടനം.

അഡോബി (Adobe) കേരളത്തില്‍ റെയ്ഡ് തുടങ്ങുന്നു.

2009-02-17T21:25:00.004+05:30

അഡോബി (Adobe) കേരളത്തില്‍ റെയ്ഡ് തുടങ്ങുന്നു.

പൈറെറ്റട് സോഫ്റ്റ് വെയറുകളുടെ ദുരുപയോഗം തടയുക എന്ന ലക്‌ഷ്യം മുന്നില്‍ ക്കണ്ടു, മൈക്രോ സോഫ്റ്റിന്റെ പാത പിന്തുടര്‍ന്ന് അഡോബി യും തങ്ങളുടെ ഉല്‍പ്പന്നങ്ങളുടെ വിപണന സാധ്യതകള്‍ക്കായി കേരളത്തില്‍ റെയ്ഡ് ആരംഭിച്ചിരിക്കുന്നു. അഡോബിയുടെ പ്രമുഖ സോഫ്റ്റ് വെയര്‍ ആയ ഫോട്ടോ ഷോപ്പ് വേര്‍ഷനുകളെ കണ്ടെതുവാനാണ് പ്രധാനമായും അവര്‍ ശ്രമിക്കുന്നത്. അതിനായി കളര്‍ ലാബുകള്‍ , ഫോട്ടോ സ്റ്റുഡിയോകള്‍ , ഡിസൈനിംഗ് സെന്ററുകള്‍ തുടങ്ങിയവയെ ആണ് അവര്‍ പ്രധാനാമായും റെയ്ഡ് നായി തിരഞ്ഞെടുക്കുന്നത്.

എന്നാല്‍ സംഭവം വിവാദം ആയതോട്‌ കൂടി, ഓള്‍ കേരള ഫോട്ടോഗ്രഫെര്‍സ് അസോസിയേഷന്‍ പ്രതിഷേധവുമായി രംഗത്തെത്തി ക്കഴിഞ്ഞു. ഡോളര്‍ കണ്‍ വേര്‍ഷന്‍ ചെയ്ത തുകയായി മുപ്പത്തയ്യായിരം രൂപയാണ് ഒരു ഫോട്ടോ ഷോപ്പ് സി ഡി - CS 3 സോഫ്റ്റ് വെയറിന് അഡോബി കേരള ആവശ്യം ഉന്നയിക്കുന്നത്. AKPA പ്രധിനിധികളുമായി സംസാരിച്ചതില്‍ നിന്നും തുക ഇരുപത്തി അയ്യായിരം ആയി കുറക്കാന്‍ അഡോബി അധികൃതര്‍ തയാറായി.

എന്നാല്‍ ഇരുപതിനായിരം രൂപയ്ക്ക് ഒരു മികച്ച സിസ്റ്റം അസ്സംബ്ള്‍ ചെയ്തെടുക്കാംഎന്നിരിക്കെ, ഈ തുകയും നീതിക്ക് നിരക്കാത്തതാണെന്ന് AKPA ശക്തമായി പറയുകയുണ്ടായി. അതിനെ തുടര്‍ന്ന് ,രൂപാ പതിനായിരം ആക്കാമെന്ന് അഡോബി കേരള അധികൃതര്‍ വ്യക്തമാക്കി. കൂടാതെ ,അയ്യായിരം രൂപയ്ക്ക് ഫോട്ടോ ഷോപ്പിന്‍റെ പഴയ,കുറഞ്ഞ വേര്‍ഷനുകള്‍ ലഭ്യമാക്കാം എന്നും അവര്‍ AKPA യെ അറിയിച്ചു.

അസോസിയേഷന്റെ പ്തിനയായിരത്തില്‍ പരം വരുന്ന അംഗങ്ങളെ ഈ സോഫ്റ്റ് വെയര്‍ വാങ്ങാന്‍ പ്രേരിപ്പിക്കാം എന്നും, പക്ഷെ കേരളത്തിലെ ഒറ്റ കമ്പ്യൂട്ടര്‍ പോലും അനധികൃതമായ ഒരു ഫോട്ടോ ഷോപ്പ് വേര്‍ഷന്‍ പോലും ഉപയോഗിക്കരുത് എന്ന AKPA യുടെ ആവശ്യത്തിനു ഉറപ്പു നല്‍കാന്‍ അഡോബി അധികൃതര്‍ക്ക് സാധിച്ചില്ല. ചര്‍ച്ചകള്‍ തുടരുന്നു. ഈ വരുന്ന മാര്‍ച്ചിനു ശേഷം തീരുമാനങ്ങള്‍ അറിയിക്കാമെന്ന് അഡോബി അധികൃതര്‍ AKPA യെ അറിയിച്ചു.

R I P : റെസ്റ്റ് ഇന്‍ പീസ്‌...........

2009-02-12T18:43:00.001+05:30

ഗാസയില്‍ നിന്നും ഒരു ചിത്രം കൂടി.
കടപ്പാട്: ഷാബു ഇളംപ , തിരുവനന്തപുരം

ഇനി ഒന്നു ഉറങ്ങട്ടെ !!!!

2009-02-11T22:05:00.001+05:30

ഗാസയില്‍ നിന്നും ഒരു ചിത്രം കൂടി.

ബൂലോകത്തില്‍ സി ബി ഐ : അവസാന ഭാഗം

2009-02-07T12:48:00.018+05:30

ബൂലോകത്തില്‍ സി ബി ഐ : അവസാന ഭാഗം

ഒന്നാം ഭാഗം ഇവിടെ വായിക്കാം.

രണ്ടാം ഭാഗം ഇവിടെ വായിക്കാം

മൂന്നാം ഭാഗം ഇവിടെ വായിക്കാം.

ഭാഗം : നാല്.

നേരം പ്രഭാതമായ‌ി.

അന്നിറങ്ങിയ " ബ്ലോഗന രമ " അടക്കമുള്ള പത്രങ്ങളുടെ പ്രധാന വാര്‍ത്ത തലക്കെട്ട്‌ ഇതായിരുന്നു.

"ജോ'യെ കണ്ടു കിട്ടി "

കേട്ടവര്‍ കേട്ടവര്‍ നേരെ ബ്ലോഗര്‍ അക്കദമി യിലേക്ക് ഓടിച്ചെന്നു.......

ജോ താഴെ ഇറങ്ങാന്‍ കൂട്ടാക്കുന്നില്ലത്രേ...

കാര്യമെന്തന്നറിയാന്‍ ജയകുമാര്‍ സി.ബി ഐ യും സംഘവും നേരിട്ടെത്തി. എല്ലാവരും ബ്ലോഗര്‍ അക്കാദമിയുടെ മുകളിലേക്ക്. .......

ഡിഷ്‌ വച്ച കാറില്‍ നിന്നും H D ക്യാമറയുമായി ഏറനാടനും സംഘവും ചാടിയിറങ്ങി. ബ്ലോഗര്‍ ബ്രോഡ്കാസ്റ്റിംഗ് കോര്‍പറേഷന്‍ എന്ന ബി ബി സി യില്‍ നിന്നുമാ വരവ്. സംഗതി ഒരുഗ്രന്‍ ലൈവിനുള്ള വകുപ്പുണ്ടെന്നു വാര്‍ത്ത കിട്ടിയിരുന്നു.

നിമിഷ നേരം കൊണ്ടു ബ്ലോഗര്‍ അക്കാദമിയുടെ മുകള്‍ ഭാഗം ബ്ലോഗ്ഗേര്‍സിനെ കൊണ്ടു നിറഞ്ഞു.......

ജയകുമാര്‍ സി ബി ഐ യും സംഘവും ജോ യുടെ അടുത്തെത്തി.

ജോ ഞെരങ്ങിക്കൊണ്ട്‌ പറഞ്ഞു, " സര്‍, ദാ, നിങ്ങളൊക്കെ അന്വേഷിക്കുന്ന ആള്‍ ഇപ്പോള്‍ ഇങ്ങെത്തും....അല്‍പ്പ നിമിഷം കൂടി കാക്കൂ.."

--- ജോ യുടെ ബ്ലോഗര്‍ സുഹൃത്ത് വരുന്നു ----

ആ വാര്‍ത്ത ഒരലമാലയായി അവിടം മുഴുവന്‍ വ്യാപിച്ചു. ഏവരും ആകാംക്ഷാഭരിതരായി നില്‍ക്കുകയാണ്‌.....

സമയം കടന്നു പോകുന്നു .

പത്ത്......പതിനഞ്ചു........ഇരുപത്.........

മിനിട്ടുകള്‍ക്ക് ഒച്ചിന്‍റെ വേഗം പോലും ഇല്ല എന്ന് എല്ലാവര്ക്കും തോന്നിത്തുടങ്ങി.

പെട്ടെന്നതാ ഒരു മുഴക്കം.........അകലെ നിന്ന്.....

ഒരു പൊട്ടു പോലെ ചക്രവാളത്തില്‍ എന്തോ പ്രത്യേക്ഷപ്പെട്ടു......

ഏറനാടന്‍ ക്യാമറ ട്രൈപ്പോഡില്‍ ഉറപ്പിച്ചു അകലേക്ക് ഫോക്കസ് ചെയ്തു. എന്നിട്ട് ഷിഫ്റ്റ് ചെയ്യാന്‍ നിന്ന സഹായിയുടെ തലയില്‍ ഒരു കിഴുക്കു കൊടുത്തിട്ട് പറഞ്ഞു....." ഫില്‍റ്റര്‍ മാറ്റടാ,കഴുതേ..."

ചക്രവാളത്തില്‍ പൊട്ടുപോലെ കാണപ്പെട്ട സാധനം ഇപ്പോള്‍ കുറേക്കൂടി വ്യക്തമാണ്. .....അതൊരു ഹെലികോപ്ടര്‍ ആയിരുന്നു.

ഹെലികോപ്ടര്‍ ആ ബ്ലോഗര്‍ അക്കാദമി ലക്‌ഷ്യം ആക്കിയാണ് വരുന്നതു.........

ബി ബി സി ഒരു അണുവിട പോലും കട്ട് ചെയ്യാതെ അത് ലൈവായി സംപ്രേക്ഷണം ചെയ്തു കൊണ്ടിരുന്നു.

ഹെലികോപ്ടര്‍ വന്നു ബ്ലോഗര്‍ അക്കാദമിയുടെ ഹെലിപ്പാടില്‍ ലാന്ട് ചെയ്തു..... കാറ്റു കാരണം ആര്‍ക്കും അങ്ങോട്ട് തലയുയര്‍ത്തി നോക്കാന്‍ സാധിക്കുന്നില്ല.

പങ്കയുടെ ദ്രുതതാളം കുറഞ്ഞു കുറഞ്ഞു വരുന്നു.

എല്ലാവരും ആകാംക്ഷാ ഭരിതരായി ശ്വാസമടക്കി ഹെലിക്കൊപ്ടരിന്റെ വാതിലിലേക്ക് നോക്കി
നിന്നു.

ഹെലികോപ്ടരിന്റെ വാതില്‍ തുരയുന്നു. ....മൊട്ടു സൂജി വീണാല്‍ പ്പോലും കേള്‍ക്കുന്ന നിശ്ശബ്ദത യില്‍ ഒരു കോലാപ്പുരി ചെരിപ്പിട്ട വെളുത്തു തുടുത്ത ഒരു കാല്‍ ദൃശ്യമായി. സില്‍ക്ക് മുണ്ടും സില്‍ക്ക് ജുബ്ബയും ധരിച്ച ഒരാള്‍ ഇറങ്ങി വരുന്നു.

പതുക്കെ,...പതുക്കെ...അയാള്‍ ബൂലോകവാസികള്‍ക്ക് നേരെ മുഖം തിരിച്ചു.

ങ് ഹേ....ഒരു നിമിഷം എല്ലാവരും ശ്വാസമടക്കി വാ പൊളിച്ചു നിന്നു. പിന്നെ അവരുടെ ചുണ്ടുകള്‍ അനങ്ങി....

" മമ്മൂട്ടി ..."

മമ്മൂട്ടി നടന്നു വന്നു ജോ യെ പിടിചെഴുന്നെല്‍പ്പിച്ചു. .....

ആ കണ്ണുകള്‍ ആര്‍ദ്രമായോ?......പിന്നെ ജോ യെ തോളത്തു പിടിച്ചു ചേര്‍ത്ത് നിര്‍ത്തി എല്ലാവരോടും ആയി പറഞ്ഞു.

" എന്താ നിങ്ങള്‍ക്കരിയെണ്ടേ,.....ഇവന്‍റെ ബ്ലോഗര്‍ സുഹൃത്ത് ആരെന്നോ?...കേട്ടോള്ളൂ.."

ജോയെ മാറ്റി നിര്‍ത്തി മമ്മൂട്ടി ബൂലോകവാസികല്‍ക്കരികിലേക്ക് വന്നു. എന്നിട്ട് പറഞ്ഞു

" കേട്ടോളൂ...നിങ്ങള്‍,...ഒരു ബൂലോക പാണനും പാടാത്ത കഥ....

നേരമില്ലാ നേരത്ത് നേരമ്പോക്കിനായി ബൂലോകം കാട്ടിതന്നവന്‍ ജോ ,
ഡസ്ക് ടോപ്പും കീ ബോര്‍ഡും മാറ്റി മാക്‌ ബുക്കും വിന്‍ഡോസും തന്നവന്‍ ജോ,
വരമൊഴിയും ആദ്യാക്ഷരിയും, പിന്നെ ഇന്ദ്ര ധനുസ്സും മുള്ളൂര്‍ക്കാരനെയും
കാട്ടിതന്നവന്‍ ജോ,.......

ഈ ജോ യെ യാണോ നിങ്ങള്‍ പഴിക്കുന്നത്.....പറ...മക്കളെ..പറ ...

നിങ്ങള്‍ക്കിനി എന്താണ് അറിയേണ്ടത്? .....ആ അജ്ഞാത സുഹൃത്ത് ആരെന്നല്ലേ .....

അത്... അത്....ഈ ഞാന്‍ മാത്രം...."

ബൂലോക വാസികള്‍ ശ്വാസ മടക്കി പ്പിടിച്ചു കേട്ടുകൊണ്ട് നില്ല്ക്കുകയായിരുന്നു. മമ്മൂട്ടി തിരിഞ്ഞു നടന്നു വന്നു ജോ യെ ചേര്‍ത്ത് പിടിച്ചു. എന്നിട്ട് എല്ലാവരോടുമായി പറഞ്ഞു.

"ബൂലോകത്തെക്കുള്ള വഴി കാട്ടിതരുമ്പോള്‍, ദാ, ഇവനാ എന്നോട് പറഞ്ഞതു... എഴുതൂ ... എഴുതൂ ... എന്ന്. ...... ഞാനെഴുതി. വെറും രണ്ടു പോസ്റ്റു കൊണ്ടു തന്നെ ഒരു ലക്ഷത്തിലധികം ഹിറ്റ്. ഇതു കണ്ടു അന്തം വിട്ട ജോ യോട് ഞാനാ വിദ്യ പറഞ്ഞു കൊടുത്തത്. ..... അതവന്‍ പ്രയോഗിച്ചു. ....ഇക്കാലയളവില്‍ ഒരു പോസ്റ്റ് പോലും എഴുതാതെ ഞാനവനെ സപ്പോര്‍ട്ട് ചെയ്തു. ....എന്തിന്.....എന്തിന്.....കടപ്പാട്."

മമ്മൂട്ടിയുടെ വാക്കുകള്‍ ഗദ്ഗദമായി...തൊണ്ട ഇടറുന്നു. കണ്ണുകള്‍ ഈറനണിഞ്ഞു.
എന്നിട്ട് തുടര്‍ന്നു.
" ഈ കടപ്പാടില്‍ ഞാന്‍ ആനന്ദം കൊള്ളുന്നു മക്കളെ.....അതെ , ഞാന്‍ വീണ്ടും എഴുതാന്‍ തുടങ്ങുകയാ....."

അപ്പോഴേക്കും അവിടെ ഒരാരവം തുടങ്ങിയിരുന്നു.....ഓരോരുത്തരായി കയ്യടി തുടങ്ങി അതിനെ പരിപോഷിപ്പിച്ചു.

മമ്മൂട്ടി അവര്‍ക്കിടയിലേക്ക് ഇറങ്ങിച്ചെന്നു.....അവിടെ മനസ്സറിയാതെ ജിതിന്‍ നില്‍ക്കുന്നുണ്ടായിരുന്നു. മമ്മൂട്ടിയെ ക്കണ്ട ജിതിന്‍ ഒന്നു പരുങ്ങി പിന്നോട്ട് വലിഞ്ഞു. മമ്മൂട്ടി അവനട കയ്യില്ക്കയറി പിടിച്ചു എന്നിട്ട് പറഞ്ഞു....

" എടാ, കള്ളതിരുമാടി, നിന്നെ ഒന്നു കാണാനിരിക്കുകയായിരുന്നു...എന്‍റെ ഡാഷ് ബോര്‍ഡ് അടിച്ച് പോയി...നിന്ടടുത്തു നല്ലതൊരെണ്ണം ഉണ്ടെന്നു കേട്ടു... ആ നര്‍മ്മ ലഹരീടെ... അതിങ്ങു താ , ഒന്നരയല്ല, രണ്ടു ലക്ഷം തരാം.

പ്രതീക്ഷിച്ചിരുന്നത് പോലെ ജിതിന്‍ മനസ്സറിയാതെ പോക്കെറ്റില്‍ മടക്കി വച്ചിരുന്ന ഒരു കടലാസ് എടുത്തു നീട്ടി --- ഒരമ്പത് രൂപാ മുദ്രപ്പത്രം.
അങ്ങനെ "നര്‍മ്മ ലഹരി" ബ്ലോഗ് ഡാഷ് ബോര്‍ഡ് അടക്കം മമ്മൂട്ടി സ്വന്തമാക്കി.

പിന്നെ എല്ലാവരോട് മായി മമ്മൂട്ടി ചോദിച്ചു..." പറ നിങ്ങളിലാരാ കൈപ്പിള്ളി....."

ഒരു സുമുഖന്‍ മുന്നോട്ടു വന്നു.

മമ്മൂട്ടി അവനെ നോക്കി പറഞ്ഞു " കൊള്ളാം, നീ എന്‍റെ ബൂലോക കണക്കൊക്കെ കൃത്യമായി കൂട്ടി വച്ചിരിക്കയാണ് അല്ലെ?...ദാ ഈ മെനക്കെട്ട പണിക്കു നിനക്കിതിരിക്കട്ടെ..."

സൌത്ത് ഇന്ത്യന്‍ ബാങ്കിന്‍റെ രണ്ടു ലക്ഷം രൂപയുടെ ഒരു ചെക്കെടുത്ത്‌ മമ്മൂട്ടി കൈപ്പള്ളിക്ക് നേരെ നീട്ടി.

നിനച്ചിരിക്കാത്ത നേരത്ത് കിട്ടിയ സൌഭാഗ്യത്തിന്റെ പരമോന്നതിയില്‍ തല ചുറ്റി വീഴുന്ന കൈപ്പള്ളിയെയാണ് അടുത്ത് നിന്ന തോന്ന്യാസിയും വടക്കൂടനും ഋഷിയും കണ്ടത്.

പിന്നെ മമ്മൂട്ടി തന്‍റെ ഇടതു ഭാഗത്തേക്ക് നോക്കി..." അവിടെ ചങ്കരനും അനില്‍ @ ബ്ലോഗിനും പുറകിലായി ഒരു തല കുനിഞ്ഞു മാറുന്നു. ....

തെല്ലോന്നുയര്‍ന്നു മമ്മൂട്ടി അവനെ വിളിച്ചു. "ഡേയ്, കാളി ദാസന്‍, ...ന്‍റെ ബ്ലോഗ് കണ്ടാര്‍ന്നു, നീ എന്നെ കാപട്യക്കാരനാക്കി അല്ലെ? ...ഉം ...നിന്നെ പിന്നെ കണ്ടോളാം . ഇനീം ഈ ബൂലോകതൊക്കെ കാണുമല്ലോ അല്ലെ?"

തിരിഞ്ഞു നോക്കിയ ചങ്കരനും അനില്‍ ബ്ലോഗറിനും ഇത്ര നേരം തങ്ങളോടു കൂടെ നിന്ന കാളിദാസനെ പിന്നെ കാണാന്‍ സാധിച്ചില്ല.

എല്ലാര്‍ക്കും പുറകിലായി ഒരാള്‍ നിക്കുന്നത് മമ്മൂട്ടി കണ്ടു. മമ്മൂട്ടി അങ്ങോട്ടേക്ക് ഓടിച്ചെന്നു അയാളുടെ കൈ പിടിച്ചു.." അപ്പു...അല്ലെ?....കാണണം ,കാണണം എന്ന് ഒരുപാടു മോഹമുണ്ടായിരുന്നു. ഇപ്പോഴാ സാധിച്ചേ....നിന്‍റെ ആദ്യാക്ഷരി തന്നെയാ എന്‍റെ ബ്ലോഗെഴുത്തിന്റെ ബലം. നന്ദിയുണ്ട് കേട്ടോ......"

അപ്പു കൂടെയുണ്ടായിരുന്നവരെ പരിചയപ്പെടുത്തി. " ഇതു മുള്ളൂരാന്‍ - ഇന്ദ്ര ധനുസ്സിന്റെ,
ഇതു സാബിത് - ലൈവ് മലയാളം , ഇതു രോഹിത് കടക്കല്‍ - ഇന്ഫുഷന്‍ "

മമ്മൂട്ടി എല്ലാര്‍ക്കും കൈ കൊടുത്തു കൊണ്ടു പറഞ്ഞു " എല്ലാവരുടെയും ബ്ലോഗ് ഞാന്‍ കണ്ടിട്ടുണ്ട്...പഠിച്ചിട്ടുമുണ്ട്.... നന്ദി...നിങ്ങളുടെ ശ്രമങ്ങള്‍ തുടരുക....വീണ്ടും കാണാം."

തിരിഞ്ഞു നടന്നു തുടങ്ങിയ മമ്മൂട്ടി പെട്ടെന്നാണ്‌ ഒരു ചുള്ളനെ കണ്ടത് . കണ്ടയുടനെ ഓടിച്ചെന്നു കെട്ടിപ്പിടിച്ചു. എന്നിട്ട് ചോദിച്ചു " ദീപു, നീ ചെന്നയിലേക്ക് വാരാമെന്നു പറഞ്ഞിട്ട് , കണ്ടില്ലല്ലോ...അതിനിടക്ക് കെട്ടും കെട്ടി അയര്‍ലണ്ടിലേക്ക് പറന്നോ?... ഓ ഇപ്പോഴാ ഓര്‍ത്തത്‌...നിന്‍റെ ഒരു പ്രശ്നം തീര്‍ക്കാനുണ്ടാല്ലേ?"

മമ്മൂട്ടി തിരിഞ്ഞു നിന്നു ഉറക്കെ വിളിച്ചു ..." കൂതറെ ഇവിടെ വരൂ..."

ആള്‍ക്കൂട്ടത്തില്‍ നിന്നും ഒരാള്‍ ഇറങ്ങി വന്നു. മമ്മൂട്ടി എല്ലാവരോടും ആയി പറഞ്ഞു " ദാ, ഇതു കൂതറ....നിങ്ങളിനി പാവം ദീപക് രാജിനെ തെറ്റി ധരിക്കേണ്ട......കാപ്പിലാനെ കേള്‍ക്കുന്നുണ്ടോ?"

ഉണ്ടെന്നോ ഇല്ലെന്നോ ആരും പറഞ്ഞില്ല.

മമ്മൂട്ടി എല്ലാവരെയും നോക്കി പുഞ്ചിരിച്ചു കൊണ്ടു തിരിഞ്ഞു നടന്നു....ഹെലികൊപ്ടരിനു അരികിലേക്ക്.......

എല്ലാവരെയും കൈവീശി കാണിച്ചിട്ട്‌ ഹെലി കോപ്ടരിലേക്ക് നടന്ന മമ്മൂട്ടി ഒരു നിമിഷം ആലോചിച്ചു തിരിഞ്ഞു. എന്നിഇടു ബൂലോക വാസികളെ ആകെ ഒന്നു നോക്കി...ആരെയോ തേടുന്നത്‌ പോലെ. ......കാണുന്നില്ല.
പതുക്കെ ജോയുടെ അടുത്ത് ചെന്നു ചെവിയില്‍ ചോദിച്ചു " എവിടെ ?"

" ആര് ?"

"നീ മുട്ടിയവന്‍ ?...ബെര്‍ളി ? "

ജോ യുടെ കണ്ണുകളും ആള്‍ക്കൂട്ടത്തില്‍ പരതി. ഇല്ല. ബെര്‍ളി മാത്രം ഇല്ല.

എല്ലാവരോടുമായി മമ്മൂട്ടി ഉറക്കെ പറഞ്ഞു " ബൂലോക വാസി സുഹൃത്തുക്കളെ നോക്കിന്‍ ,
നാമെല്ലാവരും വലിഞ്ഞു കയറി ഗൂഗിളിന്റെ പട്ടയോം വാങ്ങി കളിക്കുന്നു..... എല്ലാവരും ബെര്‍ളിയെ കണ്ടു പഠിക്കുവിന്‍. സ്വന്തം അധ്വാനതാല്‍ സ്ഥലം വാങ്ങി വിതച്ചു കൊയ്യുന്നു. വേണം , മക്കളെ ഇനി എല്ലാര്‍ക്കും സ്വന്തം മണ്ണ്. അതിന് വേണ്ടി ശ്രമിക്കിന്‍......എല്ലാര്‍ക്കും എന്‍റെ ബ്ലോഗാശംസകള്‍...."

ജോ യുടെ തോളില്‍ കയ്യിട്ടു മമ്മൂട്ടി ഹെലോ കോപ്ടരിനു അരികിലേക്ക് നടക്കുമ്പോള്‍ പറഞ്ഞു
" ഇനി നീ ബെര്‍ളിയെ കാണുമ്പോള്‍ പറയണം, എല്ലാവരുടെ പോസ്റ്റുകളും വായിച്ചു ഒരു കമന്റ് കൂടി ഇട്ടേച്ചു പോകാന്‍........അല്ലാതെ എല്ലാവരും അവന്‍റെ പോസ്റ്റ് വായിച്ചു അവനു മാത്രം കമന്റ് കൊടുത്താല്‍ പോരല്ലോ.......ഇതു ഞാന്‍ പറഞ്ഞുവെന്നു അവനോടു പ്രത്യേകം പറഞ്ഞേക്ക്........"

പിന്നെ മമ്മൂട്ടി ജോ യോടും യാത്ര പറഞ്ഞു ഹെലി കോപ്ടരില്‍ കയറി.

ദൂരെ, അങ്ങകലെ, ഒരു പൊട്ടു പോലെ ഹെലി കോപ്ടര്‍ മറയുന്നത് വരെയും ബൂലോക വാസികള്‍ അത് തന്നെ നോക്കി നിന്നു.

കാലോചിതമായി നര്‍മ്മ ലഹരിയില്‍ ഒരു പോസ്റ്റ് ഇട്ട ജിതിന്‍ മനസ്സറിയാതെയ്ക്ക് നന്ദി പറഞ്ഞു കൊള്ളുന്നു. ഒരു പുസ്തകമെഴുതിയില്ലെങ്കിലും നോവലെറ്റ് എങ്കിലും എഴുതാന്‍ സാധിച്ചതിന്..... മെയില്‍ അയച്ചു തന്ന എല്ലാര്‍ക്കും നന്ദി.
ആരയും വേദനിപ്പിക്കാന്‍ അല്ല ഞാന്‍ ഇതു എഴുതിയത്, ആര്‍ക്കെങ്കിലും അങ്ങനെ തോന്നുന്നുവെങ്കില്‍ ചോദിക്കാനുള്ളത് ക്ഷമ മാത്രം., ബീ പോസിറ്റീവ്.....ദാട്സ് ഓള്‍ .......പറയാനുള്ളത് പറഞ്ഞു. ഞാന്‍ പേരെടുത്തു പറഞ്ഞ എല്ലാര്‍ക്കും നന്ദി....വീണ്ടും നന്ദി....എല്ലാവരുടെയും സഹകരണം തുടര്‍ന്നും പ്രതീക്ഷിക്കുന്നു.

.

ഇങ്ങനെയൊരു വാലന്‍ന്റൈന്‍ ദിനം ഇന്ത്യയില്‍ മാത്രം !

2009-02-07T08:03:00.009+05:30

ഇങ്ങനെയൊരു വാലന്‍ന്റൈന്‍ ദിനം ഇന്ത്യയില്‍ മാത്രം !

അതെ, ചിരിക്കാതിരിക്കാന്‍ കഴിഞ്ഞില്ല.....ചിന്തിക്കാനും....

കഴിഞ്ഞ ദിവസത്തെ മനോരമ യില്‍ വന്ന ഒരു വാര്‍ത്തയാണ് രസകരമായി തോന്നിയത്. വാക്കുകള്‍ ശ്രീ രാമസേന പ്രസിഡണ്ട്‌ പ്രമോദ് മുതാലിക്കിന്റെ ..........

" പ്രണയ ദിനത്തില്‍ ചുറ്റിക്കറങ്ങുന്ന കമിതാക്കളെ അന്ന് തന്നെ തന്നെ പിടിച്ചു കെട്ടിക്കും "

അതിനായി സര്‍വ്വ സന്നാഹങ്ങളും അവര്‍ ഒരുക്കിയിട്ടുണ്ടത്രേ! എന്തെക്കൊയാണ് സന്നാഹങ്ങള്‍
എന്നറിയേണ്ടേ ,...

അഞ്ചു രഹസ്യ ടീം .,

മംഗല്യ സൂത്രം ,

അഞ്ചു ക്യാമറകള്‍ ,

മഞ്ഞള്‍ തട്ടവും പൂക്കളും,

പുരോഹിതന്‍,

പ്രണയിനികളെ കണ്ടാലുടന്‍ രഹസ്യ ടീം അവരുടെ പിന്നാലെയുണ്ടാവുമത്രേ!......പ്രണയ ചേഷ്ടകള്‍ എന്തെങ്കിലും കണ്ടാല്‍ ഉടന്‍ മണ്ഡപം ഒരുങ്ങുകയായി.....ഇനി കമിതാക്കള്‍ പ്രായ പൂര്‍ത്തി അകാത്തവര്‍ ആണെന്കിലോ? " ഉപദേശി"ച്ച തിന് ശേഷം പോലീസിനു വിട്ടു കൊടുക്കും. പ്രണയ ചേഷ്ടകള്‍ കാണിക്കാത്തവരെ "രാഖി" കെട്ടി വെറുതെ വിടും.

അതിനാല്‍ ഫെബ്രുവരി 14 നു മക്കളെ പുറത്തു വിടരുതെന്ന് മാതാ പിതാക്കള്‍ക്ക് മുന്നറിയിപ്പ്.

ഇനി ശ്രീ രാ‍മ സേന അധ്യക്ഷന്‍ ആരെന്നരിയെണ്ടേ....ഒരു ബ്രഹ്മചാരി.

ഓ....പുള്ളിക്ക് വിഷമം ഇപ്പോഴാ മനസ്സിലായെ......

പോരാത്തതിന് അങ്ങേരുടെ വക ഒരു പ്രസ്താവനയും.

"ഒരു ബ്രഹ്മചാരിയായതിനാല്‍ എനിക്ക് പ്രണയത്തെ ക്കുറിച്ചുള്ള ധാരണ ഇല്ലെന്ന അറിവ് ശരിയല്ല .....ഒരു ഇന്ത്യന്‍ പൌരന്‍ എന്ന നിലയിലുള്ള ജനാധിപത്യപരമായ ഉത്തരവാദിത്വം ആണ് ഇതു വഴി ഞാന്‍ നിറവേറ്റുന്നത്."

അത് കേള്‍ക്കാന്‍ കുറെ അനുയായികളും. ഇവരൊക്കെ വീട്ടി പ്പോയി സ്വന്തം അപ്പനമ്മൂമ്മ മാരുടെ കഥകള്‍ ചികഞാലറിയാം അവനൊക്കെ ജന്മം കൊണ്ടതിന്റെ പ്രണയ കഥകള്‍....

ഒരു പക്ഷെ ഏറ്റവും കൂടുതല്‍ വിവാഹം നടന്നതിന്‍റെ ക്രെഡിറ്റ് ഇനി ലാല്‍ ബാഗിന് മാത്രം സ്വന്തമാകുമായിരിക്കും.

പക്ഷെ മുഖ്യന്‍ നല്ലവനാണ് കേട്ടോ. അദ്ദേഹം ഇതിനോടോട്ടു യോജിക്കുന്നില്ല.പ്രണയ ദിനാഘോഷം തടസ്സപ്പെടുത്താന്‍ ആരെങ്കിലും തുനിഞ്ഞാല്‍ ശക്തിയായ നിയമ നടപടി ഉണ്ടാകുമെന്ന് മുന്നറിയിപ്പ് നല്‍കിക്കഴിഞ്ഞു.

സംഗതി കൊള്ളാം, ലോക ജനതയ്ക്ക് മുന്നില്‍ ഇന്ത്യക്ക് വീണ്ടുമൊരു നാണക്കേട്‌ കൂടി........ഇവനെയൊക്കെ പിടിച്ചു മുരിക്കില്‍ കെട്ടിയിട്ടു ,ചെത്തിയെടുത്തു അവിടെയൊക്കെ ഉപ്പും മുളകും പുരട്ടണം...എന്നാലേ വിവര ദോഷികള്‍ക്ക് വിവരം വെയ്ക്കൂ.....

കൂടുതല്‍ അറിയാന്‍ കൂതറ അവലോകനം കാണുക

ഓഫ് ടോപ്പിക്ക്.......:

മറ്റൊരു വാര്‍ത്ത.... മഞ്ചേശ്വരം എം എല്‍ എ സി എച്ച് .കുഞ്ഞമ്പു വിന്‍റെ മകളെ സഹപാടിയുടെ സഹോദരനോട് സംസാരിച്ചതിന്റെ പേരില്‍ ശ്രീ രാ‍മ സേനാ പ്രവര്‍ത്തകര്‍ തട്ടികൊണ്ട്‌ പോയി. ആളെ തിരിച്ചറിഞ്ഞതിന്റെ പേരില്‍ പെണ്‍കുട്ടിയെ മാത്രം വെറുതെ വിട്ടു. ആണ്‍ കുട്ടിയെക്കുറിച്ച് ഇതുവരെയും വിവരമൊന്നുമില്ല.

ദാ, ഇവിടെക്കൂടി ഒന്നു വായിച്ചു പോ.....

-------- ആവേശം മൂത്ത് പ്രണയദിനം വരെ കാക്കാന്‍ ശ്രീ രാമ സേനാ പ്രവര്‍ത്തകര്‍ തയ്യാറാകുന്ന മട്ട് കാണുന്നില്ല......ആണ്‍ കുട്ടികളും പെണ്‍കുട്ടികളും ജാഗ്രതൈ .....ഫെബ്രുവരി 15 വരെ പുറത്തിറങ്ങരുത്............

ബൂലോകത്തില്‍ സി ബി ഐ : ഭാഗം മൂന്ന്.

2009-02-06T11:13:00.017+05:30

ബൂലോഗത്തില്‍ സി ബി ഐ : ഭാഗം മൂന്ന്.

ഒന്നാം ഭാഗം വായിക്കാത്തവര്‍ ഇവിടെ വായിക്കുക.

രണ്ടാം ഭാഗം വായിക്കാത്തവര്‍ ഇവിടെ വായിക്കുക.

ഭാഗം : മൂന്ന്

സി.ബി.ഐ ക്യാമ്പ് ഓഫീസ്.

ചോദ്യമുറി. ഷാജി കൈലാസ് ചിത്രത്തിലേത് പോലെ......

നടുക്ക് തൂങ്ങിയാടുന്ന ലൈറ്റ് ......അതിന് താഴെയുള്ള മേശക്കു ചുറ്റുമായി മൂന്നാല് പേര്‍ ഇരിക്കുന്നു....ചിലര്‍ നില്‍ക്കുന്നുമുണ്ട്.

അടികൊണ്ടു അവശനായി ഒരു കസേരയില്‍ ഇരിക്കുന്ന ഒരു ബൂലോകവാസി. പേരു പോലെ തന്നെ അവന്‍ 'അഹങ്കാരി' യാണ്. ക്ഷമയുടെ നെല്ലിപ്പലക കണ്ടെന്നോണം ജയകുമാര്‍ സി ബി ഐ അവനോടു ചോദിച്ചു...അപ്പോള്‍ നീയും ജോ യുമായി ഒരു ബന്ധോം ഇല്ലെന്നാണോ പറയുന്നതു......

" അതെ ,ഞാന്‍ പറഞ്ഞതൊക്കെയും സത്യമാ..." അവന്‍ ഒരു വിധം പറഞ്ഞൊപ്പിച്ചു.

"...ഉം,...ഗജപോക്കിരി,...ആ ഫയല്‍ ഇങ്ങെടുക്കൂ ...."

ജയകുമാര്‍ സി ബി ഐ ആ ഫയല്‍ തുറന്നു വായിച്ചു ".......മഹത്തായ തത്വ ചിന്ത ! ചേംബര്‍ ഓഫ് കൊമെഴ്സിനും , 10 കോപ്പി എടുത്തു, നാന,രാഷ്ട്ര ദീപിക, വെള്ളി നക്ഷത്രം എന്നിവയില്‍ ഫുള്‍ പേജില്‍ പ്രസിധീകരിക്കെണ്ടാതാകുന്നു. ..."

"ജോ യ്ക്കെതിരെ ഇതെഴുതിയത് നീയല്ലേ?"

"അതെ.... " പറഞ്ഞു തീരുന്നതിനു മുന്‍പായി വിന്‍സ് ഗജപോക്കിരി ആ ബൂലോകവാസിയെ കുനിച്ചു നിര്‍ത്തി രണ്ടിടി വച്ചു കൊടുത്തു. എന്നിട്ട് ചോദിച്ചു ..." ഇതു എന്തിനാണ് എന്നറിയാമോ ?"

"...അയ്യോ, ഇല്ല...."

" ......' ചിത്രഭൂമി ' യെ വിട്ടു കളഞ്ഞതിന് ....."

അരുണ്‍ ചാക്കോ കായം കുളം അവന്റെ അടുത്ത് ചെന്നു..." എടാ , സിനിമ കാണാന്‍ പോകണമെങ്കില്‍ വല്ലോരുടെ അടുത്ത് നിന്നും കടം വാങ്ങിയാ പോരാ... സ്വയം അധ്വാനിക്കണം....അല്ലാതെ അഹങ്കാരവും വച്ച് ഏത് നേരവും ബ്ലോഗെഴുത്തും കൊണ്ടിരുന്നാലോ ?..."

"...അപ്പൊ നിനക്കറിയില്ലാ അല്ലെ, ജോ എവിടെയാണെന്ന് ?..."

"ഇല്ല ഏമാനെ...എനിക്കൊന്നും അറിയില്ല......"

" ചാക്കോ....ഇവനെ ആ സെല്ലിലെക്കിട്ടു അടുത്തവനെ വിളീ...."

ചാക്കോ അവനെയും എടുത്തു കൊണ്ടു പോകുമ്പോള്‍, വിന്‍സ് ഗജപോക്കിരി അടുത്ത
ആളുമായി അകത്തു പ്രവേശിച്ചു.

" സര്‍, ദേ, ഇവന്‍ പ്രമോദം......ഇവന നമ്മുടെ മറ്റേ....ഹാ ,...ആ മഞ്ഞ കളര്‍ സാധനം ... ഇല്ലേ സാറേ....."

" ഓഹോ ....ഇവനാണ് അവന്‍,...കൊള്ളാം... പോക്കിരി , ആ കേക്കിങ്ങു എടുത്തുകൊണ്ടു വാ..."

അരണ്ട വെളിച്ചത്തില്‍ ആ മേശക്കു മുന്നില്‍ ഇരുന്ന പ്രമോദം-ത്തിനു മുന്നില്‍ ഒരു കേക്ക് കൊണ്ടു വന്നു വെക്കപ്പെട്ടു. തീര്‍ത്തും മഞ്ഞകളറിലെ ഒരു പ്ലം കേക്ക്.

" പീതഭംഗിയേകീടും അമേദ്യമാമീ
കേക്കിന്‍ കഷ്ണത്തെ ഭക്ഷിക്ക,
ഭക്ഷിക്ക, പ്രമോദമാം നീയുടന്‍..."

ജയകുമാര്‍ സി ബി ഐ യുടെ ചുണ്ടില്‍ നിന്നും ഉതിര്‍ന്നു വീണ കവിതാ ശകലം കെട്ട് വിന്‍സ് പോക്കിരി കോള്‍മയിര്‍ കൊണ്ടു.

ജയകുമാര്‍ സി ബി ഐ തുടര്‍ന്നു "...നീയല്ലേ ജോ യെ അമേദ്യം കഴിപ്പിക്കാന്‍ ഇന്ഗ്ലീഷില്‍ എഴുതിയത്? അമേദ്യത്തിന്റെ സ്വാദ് നീയാദ്യം ഒന്നു അറിയൂ ... എന്നിട്ടാവാം ചോദ്യം ചെയ്യല്‍ ..."

അങ്ങനെ പ്രമോദം അവിടെയിരുന്നു അത് മുഴുവന്‍ ഭക്ഷിച്ചു തീര്‍ത്തു.

ജയകുമാര്‍ വിന്‍സ് ഗജ പോക്കിരിയോടായി പറഞ്ഞു " പോക്കിരി, കണ്ടില്ലേ ലോക്കല്‍ പോലീസ് നമ്മുടെ കൂടെ കൂടിയതിന്റെ ഗുണം......ആട്ടെ, ഇനി ഇവനെ ചോദ്യം ചെയ്യേണ്ട......അടുത്തവനെ വിളി...."

അടുത്തയാള്‍ വന്നു ....ജയകുമാര്‍ സി ബി ഐ ചോദിച്ചു" എന്താ നിന്‍റെ പേരു?"

" കായപ്പാ..."

" ഒരു സിനിമാ ഭ്രാന്തന്‍ ആണ് അല്ലെ ?..."

"ഓ...അങ്ങനെയങ്ങ് ബ്ലോഗിപ്പോകുന്നു..."

ടപ്പേ .....മുഖമടച്ചു ഒരടിയായിരുന്നു പിന്നെ..." പോക്കിരി, ഇവന് ബോധം വരുമ്പോഴേക്കും അടുത്തവനെ വിളീ....അല്ലെങ്കീ വേണ്ടാ, ഒരു മൂന്നെണ്ണം ഒരുമിച്ചിങ്ങു പോരട്ടെ...."

മൂന്നെണ്ണം നിര നിര യായി അകത്തേക്ക് വന്നു.

സോമാച്ചന്‍, കൂദിത്യന്‍, തെക്കൂടന്‍..........
വന്നപാടെ മൂവരും ഒരുമിച്ചു ജയകുമാര്‍ സി ബി ഐ യുടെ കാല്‍ക്കല്‍ വീണു കെട്ടിപ്പിടിച്ചു കരഞ്ഞു കൊണ്ടിരുന്നു.
" ഛെ ,എന്തായിത്...." ജയകുമാര്‍ സി ബി ഐ ഒരാളെ പിടിചെഴുന്നെല്‍പ്പിച്ചു...." ഓ...ഇതു നമ്മുടെ സോമാച്ചനല്ലേ...... നിങ്ങളല്ലേ ചോദിച്ചത് , ജോ ഒരു പ്രൊഡ്യൂസര്‍ ആണോ എന്ന് ..."

"അയ്യോ അതൊരു അറിവില്ലായ്മ കൊണ്ടു ചോദിച്ചു പോയതാണേ ...മാപ്പാക്കണം "

" ഉം...അപ്പൊ , ജോ എവിടുന്ടെന്നു നിങ്ങള്‍ക്കാര്‍ക്കും അറിയില്ല. അല്ലെ.... ശരി, മൂവരും ആ അഴിക്കുള്ളിലേക്ക് കയറൂ..."

" പോക്കിരീ, ഇനി എത്ര പേരുണ്ടെടോ പുറത്ത്..."

" എണ്ണിയാല്‍ തീരില്ല, ഒരു പാടുണ്ട്.....എല്ലാവരും ജോ യെ തെറി പറഞ്ഞിട്ടുള്ള ആള്‍ക്കാരാ...." വിന്‍സ് ഗജപോക്കിരി തല ചൊറിഞ്ഞു കൊണ്ടു പറഞ്ഞു.

ജയകുമാര്‍ കയ്യിലെ കടലാസ് നോക്കി കൊണ്ടു പറഞ്ഞു....."തല്‍ക്കാലം ആ രണ്‍ജിതിനെയും , താങ്ങുംമൂടനെയും മാത്രം വിളി ...ബാക്കിയുള്ളവരെ നാളെ ചോദ്യം ചെയ്യാം..."

വിന്‍സ് ഗജപോക്കിരി അവരെയും കൊണ്ടു വന്നു..." താങ്ങുംമൂടന്‍.......രഞ്ജിത്ത് .....നിങ്ങളിലാരാ ജോ യെ പൊക്കിയത്? "

നിശബ്ദത .....മാത്രം.

തൃശ്ശൂര്‍ പൂരത്തിന്റെ വെടിക്കെട്ടിന് തുടക്കം കുറിക്കുന്നത് തെല്ലൊരു ആഹ്ലാദത്തോടെ വിന്‍സ് നോക്കി നിന്നു.

ജയകുമാര്‍ രഞ്ജിത്തിന്റെ അടുത്ത് ചെന്നു..." വെര്‍ബല്‍ ഫാര്‍ട്ട് ..." കൊള്ളാം നല്ല വാക്ക് ...നീയെന്താ രണ്‍ജി പണിക്കര്‍ക്ക് പഠിച്ചു തുടങ്ങിയോ? "

" അയ്യോ സാറേ , ഞാനത് , കോപ്പി അടിച്ചതാ ......സാറിന് ഇഷ്ടമായില്ലെങ്കില്‍ പറ....ഞാനത് ഡിലീറ്റ് ചെയ്തേക്കാം."

" അതിന് മുന്‍പ് നിന്നെ ഞാന്‍ ഡിലീറ്റ് ചെയ്യും.....പറ എവിടെ യാണ് ജോ?"

" സത്യമായിട്ടും എനിക്കറിയില്ല ഏമാനെ....."

"മക്കളൊരു കാര്യം ചെയ്യ്...കുറച്ചു ദിവസം ഉള്ളില്‍ തന്നെ കിടക്ക്...."

"പോക്കിരി , ഇവരെ ലോക്കപ്പിലാക്. ബാക്കിയുള്ളവരെ ചാക്കോയോട് ചോദ്യം ചെയ്യാന്‍ പറ... എനിക്ക് കുറച്ചു കവിതകള്‍ ഇന്നു പോസ്റ്റ് ചെയ്യാനുണ്ട്, അല്ലെങ്കില്‍ എന്‍റെ ആരാധകര്‍ വിഷമിക്കും...." എന്ന് പറഞ്ഞു ജയകുമാര്‍ സി ബി ഐ പുറത്തേക്ക് പോയി

* * * *

സമയം രാത്രി ...പന്ത്രണ്ടു കഴിഞ്ഞു കാണും.

ബ്ലോഗര്‍ അക്കാദമിയുടെ മതില്‍ ചാടിക്കടന്നു രണ്ടു പേര്‍.......

ശ്രീ ഹരിയും ടോട്ടൂചാനും ...അസമയത്ത് ബ്ലോഗര്‍ അക്കാദമിയുടെ കോമ്പൌണ്ടില്‍ കടന്നു പമ്മി പമ്മി അവര്‍ അകത്തേക്ക് പ്രവേശിച്ചു.

സാങ്കേതികത്തിന്‍റെ അനുയായി ആയിരുന്നത് കാരണം അക്കാദമിയുടെ പൂട്ട് പൊളിക്കാന്‍ അവര്‍ക്ക് തെല്ലും വിഷമമുണ്ടായില്ല.

ഒന്നും രണ്ടും നിലകള്‍ കടന്നു അവര്‍ എട്ടാം നിലയിലെത്തി......അവിടെ നിന്നും മട്ടുപ്പാവിലേക്ക്‌.

ഇപ്പോള്‍ സംഗതി വ്യക്തമാണ്. ടോട്ടോചാന്റെ കയ്യിലൊരു കിഴക്ക് നോക്കിയെന്ത്രവും ശ്രീ ഹരി യുടെ കയ്യില്‍ ഒരു ക്യാമറയും ഉണ്ട്. വാല്‍ നക്ഷത്രത്തെ തേടി ഇറങ്ങിയതാണ്. മറ്റാരെങ്കിലും അതെടുത്ത് ബ്ലോഗ്ഗുന്നതിനു മുന്‍പേ അവര്‍ക്ക് അത് ബൂലോകത്തിനു സംഭാവന ചെയ്യണം.

ബ്ലോഗര്‍ അക്കാദമിയുടെ മുകളിലുള്ള ഹെലിപ്പാടും കടന്നു അവര്‍ വാട്ടര്‍ ടാങ്കിരിക്കുന്ന ഭാഗത്തേക്ക് ചെന്നു.......

പെട്ടെന്നതാ അവിടെ ഒരനക്കം......അതോ,..... ഒരു ഞെരക്കം ?

അവര്‍ സ്വല്‍പ്പം സംശയിച്ചു നിന്നു....... തലേന്ന് 7.1 Blue Ray ഡിസ്കില്‍ ഗോസ്റ്റ് പടം കണ്ടത് ശ്രീ ഹരിക്ക് ആ സമയത്തു ഓര്‍മ്മ വന്നു . ചെറിയ ഒരു ഭയം. പിന്നെ അത് ഒരു ഇളം ചൂട് ഉറവയായി കണന്കാലും കടന്നു താഴെ പരന്നു.

ടോട്ടോ ചാന്‍ , വാല്‍ നക്ഷത്രത്തെ നോക്കാനായി പോക്കെറ്റില്‍ ഒളിപ്പിച്ചു വച്ചിരുന്ന ബ്രൈറ്റ് ലൈറ്റ് പുറത്ത് എടുത്തു അടിച്ച് നോക്കി.... ദൈവമേ അല്‍പ്പം അകലെ യായി ആരോ കിടക്കുന്നു......

വേഗം ഓടിച്ചെന്നു. അവര്‍ക്ക് വിശ്വസിക്കാനായില്ല....." ഇതു നമ്മുടെ ജോ അല്ലെ....."

അവര്‍ അവനെ കൈകളില്‍ താങ്ങിയെടുത്തു.......

ജോ ആ കൈകളില്‍ കിടന്നു ഞെരങ്ങുന്നു....

എന്തോ പുലമ്പുന്നുമുണ്ട്....

അവര്‍ കൈവശം ഉണ്ടായിരുന്ന സ്പ്രിന്‍റ് എടുത്തു ജോ യുടെ മുഖത്തോഴിച്ചു. .........ബാക്കി സ്വയം വായിലേക്കും ഒഴിച്ചു.

ജോ എന്തോ പറയുന്നു......

വെല്ലു വിളി യെന്നോ , ചങ്കൂറ്റം എന്നോ.........

"എന്ന് വച്ചാല്‍ ജോ യെ ഈ പരുവത്തിലാക്കിയത് ആര്?" അവരിരുവരും പരസ്പരം നോക്കി.

ശേഷം അടുത്ത എപ്പിസോഡില്‍ .......

ഡോണ്ട് മിസ് .... ക്ലൈമാക്സില്‍ ആ ബ്ലോഗര്‍ സുഹൃത്തിനെ അനാവരണം ചെയ്യുന്നു....ഈ വരുന്ന ഫെബ്രുവരി എട്ടാം തീയ്യതി ഏത് സമയത്തും........

ഒരറിയിപ്പ്.....

2009-02-06T10:18:00.005+05:30

ബൂലോക സുഹൃത്തുക്കളെ,

എന്‍റെ മെയില്‍ ബോക്സ് നിറഞ്ഞു കവിയുന്നു.........

എന്‍റെ ടെമ്പ്ലേറ്റ്ന്‍റെ പ്രത്യേകത കാരണം തലക്കെട്ടില്‍ ക്ലിക്ക് ചെയ്‌താല്‍ മാത്രമെ ,കമന്റ് കോളം ദൃശ്യമാകുകയുള്ളൂ ( ചില ബ്രൌസറുകളില്‍ മാത്രം )....അതിനാല്‍ പ്രതികരണങ്ങള്‍ക്ക് ബ്ലോഗില്‍ കൊടുത്തിരിക്കുന്ന "ഇ മെയില്‍ " ചെയ്യാം എന്ന ഓപ്ഷന്‍ ആണ് എല്ലാവരും ഉപയോഗിച്ചു വരുന്നത്. മെയില്‍ അയച്ചു കൊണ്ടിരിക്കുന്ന എല്ലാവര്‍ക്കും നന്ദി.

എലാവര്‍ക്കും അറിയേണ്ടത് ഒരേ ഒരു കാര്യം മാത്രം....ആ ബ്ലോഗര്‍ സുഹൃത്ത് ആരാണ് എന്ന്?.......നോവലെറ്റ് അധികം നീട്ടാതെ കാര്യം പറയുവാന്‍ ഏവരും ആവശ്യപ്പെടുന്നത് കൊണ്ടു, ഈ വരുന്ന ഞായറാഴ്ച, അതായത് 2009 ഫെബ്രുവരി 8 - ആം തീയ്യതി ഇതിന്‍റെ നാലാമത്തെ എപ്പിസോഡില്‍ ക്ലൈമാക്സ് പ്രസിദ്ധീകരിക്കുന്നതായിരിക്കും.

പിന്നെ മെയില്‍ ചെയ്ത ഒന്നു രണ്ടു പേര്‍ ,കോമഡി എഴുതി എന്‍റെ നല്ല ബ്ലോഗ്ഗിന്‍റെ വില കുറയ്ക്കരുത് എന്നാവശ്യപ്പെട്ടിട്ടുണ്ട്........ അതിനാല്‍ കൊമഡി മാത്രം ഉദേശിച്ചു പുതിയ ഒരു ബ്ലോഗ് തുടങ്ങാന്‍ ഞാന്‍ ആഗ്രഹിക്കുന്നു. വഴിയേ ഈ ബ്ലോഗിലെ കോമഡിയും സിനിമാ കഥകളും പുതിയ ബ്ലോഗിലേക്ക് മാറ്റുന്നതാണ്.

എന്നെ പിന്താങ്ങിയ ഏവര്‍ക്കും നന്ദി.

ബൂലോഗത്തില്‍ സി ബി ഐ എന്ന നോവലെറ്റ് താഴെ വായിക്കാം.....

ഭാഗം ഒന്ന്

ഭാഗം രണ്ട്

ബൂലോഗത്തില്‍ സി.ബി.ഐ - നോവലെറ്റ് ഭാഗം 2 .

2009-02-05T13:10:00.037+05:30

ആ അജ്ഞാതന്‍ ആര് : ബൂലോകത്തിന്‍ സി.ബി.ഐ - നോവലെറ്റ് ഭാഗം രണ്ട്.

ഒന്നാം ഭാഗം വായിക്കാത്തവര്‍ ഇവിടെ ക്ലിക്കുക.

ഭാഗം രണ്ട്.

സ്ഥലം ബൂലോകത്തെ കാവാലം.

അകലെ കൊയ്ത്തു പാട്ടിന്റെ ഈണം. മെതിക്കാത്ത കറ്റക്കെട്ടുകളുമായി ചെല്ലപെണ്ണുങ്ങള്‍ നിര നിരയായി പോകുന്നു. ഏതാണ്ട് സത്യന്‍ അന്തിക്കാട് സിനിമയിലെ ബാക്ക് ഗ്രൌണ്ട് നര്‍ത്തകിമാര്‍ തുള്ളിപ്പോകുന്നത് പോലെ......

അറ്റകുറ്റ പണിക്കു കെട്ടിയിട്ടിരിക്കുന്ന കാവാലം ചുണ്ടന്റെ മറവില്‍ നിന്നും ക്യാമറ പൊങ്ങുമ്പോള്‍ ദൃശ്യമാകുന്ന വീതിയേറിയ നീണ്ട റോഡ്, ..പേരു മാത്രമേയുള്ളൂ...നിറയെ കുണ്ടും കുഴിയുമാ...എറണാകുളതെക്കാളും വല്യ കുളം എന്നൊക്കെ പറയാവുന്നത് പോലെ.

എങ്കിലും അതിലൂടെ ഒരു കറുത്ത സ്കോര്‍പിയോ ചീറിപ്പാഞ്ഞു വരുന്നുണ്ട്. കറുപ്പിനഴകായി കറുത്ത ഗ്ലാസ്സിട്ട ആ വാഹനത്തില്‍ ആരെന്നു കാണണമെങ്കില്‍ നമ്മുക്ക് ഉള്ളിലേക്ക് പോകാം.

so, cut to int.

അക്ഷമനായിരുന്നു കാറോടിക്കുന്ന സുമുഖനായ ഒരു യുവാവ്. പേരു അരുണ്‍ ചാക്കോ കായംകുളം. മുന്‍വശത്തെ സീറ്റില്‍ ഇടതു ഭാഗത്തായി കൌബോയ് ഹാറ്റും റെയ്ബാന്‍ കൂളിംഗ് ഗ്ലാസും വച്ചു അതിലും സുമുഖനായ ഒരു ആള്‍ . ബുള്‍ഗാന്‍ താടി ആ മുഖത്തിന്‌ ഒരലങ്കാരം മാത്രം . അദ്ദേഹം ആണ് ജയകുമാര്‍ സി.ബി.ഐ. the most efficient and intelligent commissioner of CBI.

ഇവര്‍ക്ക് നടുവിലായി സി.ബി.ഐ യിലെ പുതിയ ബാച്ചിലെ ട്രെയ്നീ വണ്ണ്‍ മിസ്ടര്‍ വിന്‍സ് ഗജപോക്കിരി. സുമുഖനെന്നു തല്‍ക്കാലം നമ്മുക്കിവനെ വിളിക്കണ്ട.

എല്ലാവരുടെയും നോട്ടം മുന്നില്‍ പിന്നിട്ടു പോകുന്ന വഴിയിലേക്ക്....

ഏവര്‍ക്കും ഒരേ ലക്‌ഷ്യം......
'ജോ' യുടെ ബ്ലോഗര്‍ സുഹൃത്ത് ആരെന്നു കണ്ടു പിടിക്കുക. ........

കാര്‍ കിലോമീറ്ററുകള്‍ പിന്താണ്ടി ഭീമാകാരമായ ഒരു കെട്ടിടത്തിന്‍റെ അതി വിശാലമായ കൊമ്പൌണ്ടിലേക്ക് പ്രവേശിച്ചു.
വാഹനതിലിരുന്നു കൊണ്ടു തന്നെ അവര്‍ ഒരു വിഹഗ വീക്ഷണം നടത്തി. ---"കൊള്ളാം ഒന്നാന്തരമൊരു കെട്ടിടം.മുകളില്‍ ഹെലിപ്പാടോക്കെയുണ്ട്‌. ഒരു ഏഴെട്ടു നില വരും.

ആവേശം മൂത്ത് ഗജപോക്കിരി വിന്‍സ് ആണ് വാഹനത്തില്‍ നിന്നും ആദ്യം ചാടി ഇറങ്ങിയത്‌. എന്നിട്ട് ഉറക്കെ അവിടെ കണ്ട ബോര്‍ഡ് വായിച്ചു.

"---- ബ്ലോഗര്‍ അക്കാദമി ----"

ജയകുമാര്‍ സി.ബി.ഐ യും പിന്നാലെ ഇറങ്ങി. ബോര്‍ഡ് വായിച്ചു ബുള്‍ഗാന്‍ താടിയില്‍ അല്പം ചൊറിഞ്ഞു കൊണ്ടു നിന്നു,.... ഏതാണ്ട് ജോ ബെര്‍ളിയെ ചൊറിഞ്ഞു കൊണ്ടിരുന്നത് പോലെ......

" കൊള്ളാം അന്വേഷണം നമ്മുക്കിവിടെ നിന്നു തന്നെ തുടങ്ങാം.....കമോണ്‍ ,ബോയ്സ് ..."

പറഞ്ഞുകൊണ്ട് തിടുക്കത്തില്‍ അക്കദമിയിലെക്കു കയറിയ ജയകുമാര്‍ സി.ബി .ഐ യെ രണ്ടു പേരും അനുധാവനം ചെയ്തു.

അക്കാദമിയുടെ മുന്നിലുള്ള താമരക്കുളത്തില്‍ നിന്നും ഒരാള്‍ പൊങ്ങി വന്നു. കയ്യില്‍ കുറച്ചു മത്സ്യങ്ങളുണ്ട്. കരിന്കണ ,തിലോപ്പിയ,പൂളാന്‍ തുടങ്ങിയവയൊക്കെ. അവിടെ 'ജൈവീകം' എന്നൊരു ബോര്‍ഡ്. പൊങ്ങിവന്ന ബ്ലോഗര്‍ അപ്പോഴാണ്‌ സ്കോര്‍പിയോ കണ്ടത് . അതില്‍ സി.ബി ഐ എന്നെഴുതിയിരിക്കുന്നത് കണ്ട ബ്ലോഗര്‍ വീണ്ടും മുങ്ങാംകുളിയിട്ടു , ഒരു കരിമീനെ പിടിച്ചിട്ടു വരാം എന്നത് പോലെ.....

അക്കാദമിയുടെ ഇടനാഴിയിലൂടെ മൂന്നുപേരും നടന്നു. കൈകള്‍ പുറകില്‍ കെട്ടി, ചിന്താ നിമാഗ്നരായി , കാതു കൂര്‍പ്പിച്ചു അവര്‍ നടന്നു.

ഒരു കോഴിയുടെ കൂവലാണ് അവരെ സ്വാഗതം ചെയ്തത്. അല്പമൊന്നു നിന്നു , രണ്ടു സ്റ്റെപ്പ് പുറകിലേക്ക് വച്ചു അവര്‍ കൂവല്‍ കേട്ട ഭാഗത്തേക്ക് നോക്കി. "കോഴി" കറുത്ത നിക്കറും വെള്ള ഷര്‍ട്ടുമിട്ട് നിക്കുന്നു. കാലില്‍ ബ്ലേടാണോ എന്ന് തിരിച്ചറിയാന്‍ പറ്റാത്ത തരം ഒരു വള്ളി ചെരുപ്പ്. വായിലൊരു "പുഴു" വിനെ കടിച്ചു പിടിച്ചിട്ടുണ്ട്. റെയ്ബാന്‍ ഗ്ലാസ് മുഖത്ത് നിന്നുമെടുത്തു ജയകുമാര്‍ സി.ബി.ഐ അവനെ രൂക്ഷമായി ഒന്നു നോക്കി. 'മഴത്തുള്ളികള്‍ ' തെറിച്ചു വീഴുന്നത് പോലെ എന്തോ ഒന്നു 'കോഴി'യുടെ പുറകില്‍ നിന്നും തെറിച്ചു പോകുന്നത് അടുത്തിരുന്ന 'കുഞ്ഞിക്കിളി' കണ്ടു.

മൂവരും പിന്നെയും മുന്നോട്ടു നടന്നു. മറ്റൊരു ക്ലാസ്സില്‍ . ഒരാള്‍ നിന്നു പടം വരച്ചു കൊണ്ടിരിക്കുന്നു. അയാള്‍ വരച്ച പടത്തില്‍ മുഴച്ചു നില്ക്കുന്ന എന്തോ ഉണ്ട്....ഒന്നല്ല, അഞ്ചാറെണ്ണം. ചെറിയൊരു പുഞ്ചിരി തൂകി മൂവരും മുന്നോട്ട് തന്നെ നടന്നു.

വീണ്ടും മറ്റൊരു ക്ലാസ്സിനു മുന്നിലെത്തിയപ്പോള്‍, കേരളത്തില്‍ കൃഷി ചെയ്യേണ്ട രീതികളെ ക്കുറിച്ച് ഒരാള്‍ ഘോര ഘോരം സംസാരിച്ചു കൊണ്ടിരിക്കുന്നു. പ്രായാധിക്യമുള്ള ഒരുപാടു പഠിതാക്കള്‍ ആ ക്ലാസ് സാകൂതം കേട്ടുകൊണ്ടിരിക്കുന്നു. ഇതൊന്നും ശ്രദ്ധിക്കാതെ ഒരു പയ്യന്‍ അവിടെ നിന്നും പൊന്നു കൊണ്ടു അമ്പലമുണ്ടാക്കി കളിക്കുന്നുണ്ടായിരുന്നു.

മൂവരും അന്വേഷിച്ചു കൊണ്ടിരിക്കുന്ന ആള്‍ അവിടെയില്ല എന്നറിഞ്ഞ്, മുന്നോട്ട് നടന്നു രണ്ടാം നിലയിലേക്ക് കയറി.

അവിടെയതാ , എം.എസ്.പണ്ടാരത്തില്‍ ക്ലാസ് എടുത്തു കൊണ്ടു നില്ക്കുന്നു. ഇസ്രായേലും ഗാസയും ആണ് പുള്ളിക്ക് സംസാര വിഷയം. മാറുന്ന മലയാളി യും ,വേറിട്ട ശബ്ദവും, അക്ഷരക്കുട്ടനും, തലവരയും, കരിങ്കല്ലുമെല്ലാം അവിടെയുന്ടെങ്കിലും, എല്ലാവരും സ്വന്തം ലാപ്‌ ടോപ്പ് തുറന്നു വച്ചു ബ്ലോഗ്ഗിക്കൊണ്ടിരിക്കുകയായിരുന്നു. .

മൂന്നാം നില മുഴുവന്‍, കേബിളും, പി.സി.ബി കളും കൊണ്ടു നിറഞ്ഞിരിക്കുന്നു. ആ നില സാങ്കെതികത്തിനു പതിച്ചു കൊടുത്തിരിക്കുകയാനെന്നു തോന്നുന്നു. നിറയെ ബഹളം........ ലൈവ് മലയാളവും ടൈമും ,ഇന്ദ്രധനുസ്സിന്റെയും , ഇന്ഫൂഷന്റെയും ബോര്‍ഡുകള്‍ അവിടെ ഇവിടെയായി കാണാമായിരുന്നു. ഒരിടത്ത് സാങ്കേതിക വിദ്യക്കാരനായ ശ്രീക്കുട്ടന്‍ കയ്യില്‍ ചില ചിത്രങ്ങളുമായി നില്‍ക്കുന്നുണ്ടായിരുന്നു. ഇന്റര്‍ നെറ്റില്‍ നിന്നും മോഷ്ടിച്ചതാണ് എങ്കിലും വിറ്റു പോയാല്‍ കാശല്ലേ കയ്യില്‍ വീഴുന്നത്...... .

ഒരിടത്ത് ടെലെസ്കൊപുമായി ഒരാള്‍ നില്ക്കുന്നു. കണ്ടിട്ട് ടോട്ടോച്ചാന്‍ ആണെന്ന് തോന്നുന്നു. ഏതോ വാല്‍ നക്ഷത്രത്തിന്റെ വരവും പ്രതീക്ഷിച്ചു നില്‍ക്കുകയാ. കയ്യിലൊരു കിഴക്ക് നോക്കി യന്ത്രവുമുണ്ട്‌. 'യുറേക്കാ' വിളി കേള്‍ക്കുന്നതിനു മുന്‍പ് തന്നെ മൂവരും അവിടന്ന് ഓടി രക്ഷപെട്ടു.

അങ്ങനെ , നാലും അഞ്ചും നിലകള്‍ കടന്നു അവര്‍ ആറാം നിലയിലെത്തി. കോണി കയറി തിരിയുമ്പോള്‍ തന്നെ കണ്ടു.....ക്ലാസ്സിനു മുകളില്‍ LKG - A എന്നെഴുതിയിരിക്കുന്നു.

അവിടെ ,ആള് തീരെ കുറവായ ഒരു ക്ലാസ്. മൂവരും അതിനകത്തേക്ക് പ്രവേശിച്ചു. അധ്യാപകനായിട്ടു ആരുമില്ല. ഒന്നാമത്തെ ബെഞ്ചില്‍ അറ്റത്തിരിക്കുന്ന ആളുടെ അടുത്ത് ചെന്നു ജയകുമാര്‍ സി.ബി.ഐ ചോദിച്ചു. "നിങ്ങളല്ലേ ജോ?..."

വളരെ വിനയാന്വീതനായി എഴുന്നേറ്റു നിന്നു അയാള്‍ മറുപടി പറഞ്ഞു " അതെ ..."

" ശരി ഞങ്ങളുടെ കൂടെ വരൂ...."

ബൂലോക വാസികള്‍ എല്ലാവരും ക്ലാസ്സിനു പുറത്തു വന്നു. ഈ സമയത്ത് താഴെ നിര്‍ത്തിയിട്ടിരുന്ന സ്കോര്‍ പിയോ യ്ക്ക് അരികിലായി സി.ബി.ഐ ജോ യെ ചോദ്യം ചെയ്തു കൊണ്ടിരിക്കുകയായിരുന്നു.

കൂടുതല്‍ ചോദിച്ചിട്ടും ഫലമില്ലെന്ന് കണ്ട ജയകുമാര്‍ സി.ബി.ഐ. അരുണ്‍ ചാക്കോയോട് പറഞ്ഞു. "...ഇവന്‍ നമുക്കു പണി ഉണ്ടാക്കുമല്ലോ , ചാക്കോ. സംഗതി അല്‍പ്പം ബുദ്ധിമുട്ടാ......ഉം. ...മുഖ്യനെ വിളിക്കേണ്ടിയിരിക്കുന്നു."

" എന്നാല്‍ നമുക്കു പൂത്രുക്ക, ബെഫി, പാന്റൂരാന്‍ എന്നിവരെ ചോദ്യം ചെയ്ത ടീമിന് വിട്ടുകൊടുതാലോ?"

" മണ്ടത്തരം പറയാതെ ചാക്കോ......അവരിപ്പോഴും നിലയില്ലാക്കയത്തില്‍ അല്ലെ?...വാ നമുക്കു ക്യാമ്പ് ഓഫീസില്‍ ചെന്നു ബാക്കി ആലോചിക്കാം."

ജോ - യെ രൂക്ഷമായി നോക്കിക്കൊണ്ടു അവര്‍ സ്കോര്‍പിയോ യിലേക്ക് കയറി.

സ്കോര്‍ പിയോ ആ കോമ്പൌണ്ട് വിട്ടു എന്നുറപ്പ് വരുത്തിയതിനു ശേഷം മാത്രം ബൂലോകവാസികള്‍ ജോ- യ്ക്ക് അടുത്തേക്ക് ചെന്നു.

പിറ്റേന്നത്തെ 'ബ്ലോഗന രമ' ദിനപ്പത്രം കണ്ട ബൂലോക വാസികള്‍ ഞെട്ടി. ചരിത്രത്തിലാദ്യമായി സത്യം തെളിയിക്കാന്‍ ലോക്കല്‍ പോലീസിനെ സി.ബി.ഐ ക്ക് നല്‍കിക്കൊണ്ട് മുഖ്യന്‍ ഉത്തരവ് ഇറക്കിയിരിക്കുന്നു.

കേട്ടവര്‍ കേട്ടവര്‍ ഞെട്ടി......ഇതു കുഴങ്ങിയത് തന്നെ ....ലോക്കല്‍ പോലീസോ...എങ്കില്‍ നിഖണ്ടു വേറെ തപ്പേണ്ടി വരും. അവര്‍ വിളിക്കുന്ന തെറികളുടെ അര്‍ഥം മനസ്സിലാക്കി എടുക്കണമല്ലോ.

പിന്നെ എല്ലാര്‍ക്കും ഒരു കാര്യത്തില്‍ മാത്രം ആശ്വാസമുണ്ടായിരുന്നു. ജോ - യെ മാത്രമെ ചോദ്യം ചെയ്യുകയുള്ളൂവല്ലോ.

* * * *

സി.ബി.ഐ ക്യാമ്പ് ഓഫീസ്.

അന്ന് പക്ഷെ പതിവില്ലാതോരാള്‍ക്കൂട്ടം പുറത്ത്.

എവിടെ നിന്നോ ഒരു മുദ്രാവാക്യം വിളി ഉയര്‍ന്നു. " സി ബി ഐ അന്യായമായി തടവിലാക്കിയ ജോ യെ വിട്ടു തരിക...."
കൂടെ നിന്നവര്‍ അതേറ്റു വിളിക്കുന്നുണ്ടായിരുന്നു.

അകത്ത് ജയകുമാര്‍ സി.ബി.ഐ വിന്‍സ് ഗജപോക്കിരിയോടായി പറഞ്ഞു " പുലിവാലായല്ലോ പോക്കിരി, 'ജോ' പഹയനെ കാണാതെ ആവുമെന്ന് ആര് വിചാരിച്ചു?...കഥ നമ്മള് വിചാരിക്കുന്നത് പോലെയല്ലല്ലോ പോകുന്നത്...."

പെട്ടെന്ന് വാതില്‍ തള്ളി തുറന്നു അരുണ്‍ ചാക്കോ വന്നു പറഞ്ഞു. " സര്‍, ദേ, D G P വരുന്നെന്നു മെസ്സേജ് വന്നിട്ടുണ്ട്...."

"മണ്ണാങ്കട്ട... " ജയകുമാര്‍ സി ബി ഐ മുഷ്ടി ചുരുട്ടി മേശപ്പുറത്ത് ഇടിച്ചു കൊണ്ടു പറഞ്ഞു.

മുദ്രാവാക്യം വിളിക്കുന്നവരെയും കടന്നു ഒരു ബോലെറോ ക്യാമ്പ് ഓഫീസിന്‍റെ പോര്‍ച്ചില്‍ വന്നു നിന്നു. വാതില്‍ തുറന്നു അതില്‍ നിന്നും മൂന്നു പേര്‍ ഇറങ്ങി തിടുക്കത്തില്‍ അകത്തേക്ക് പോയി.
വാതില്‍ തള്ളിത്തുറന്ന് അകത്തേക്ക് കയറിയവരെ ജയകുമാര്‍ സി ബി ഐ ഒന്നു നോക്കി. മൂന്നു ആജാനുബാഹുക്കള്‍!

അവരില്‍ ഒരാള്‍ പറഞ്ഞു " ഞാന്‍ ഡുണ്ട്മോന്‍"
അടുത്തയാള്‍ പറഞ്ഞു " ഞാന്‍ ഗുപ്തന്‍ "
മൂന്നാമത്തെയാള്‍ പറഞ്ഞു " ഞാന്‍ പാഴ്ജന്മം"

പിന്നെ മൂന്നു പേരും കൂടി ഒരേ സ്വരത്തില്‍ പറഞ്ഞു " ഞങ്ങള്‍ D G P "

എന്നിട്ട് ചോദിച്ചു " മിസ്ടര്‍ കമ്മീഷണര്‍ ഓഫ് സി ബി ഐ, ഞങ്ങളുടെ സുഹൃത്ത് , ജോ യെ നിങ്ങള്‍ അന്യായമായി പൊക്കി എന്നറിഞ്ഞു . അവനെ ഒരു പോറല്‍ പോലുമേല്‍പ്പിക്കാതെ തിരിച്ചു എല്പ്പിക്കുന്നതാ നിങ്ങള്‍ക്ക് നല്ലത്...."

ജയകുമാര്‍ സി ബി ഐ യുടെ വലതു കാല്‍ ഇതു വരെ ഓടിഞ്ഞിട്ടില്ലാത്തത് കാരണം മൂവരും നൊടിയിടക്കുള്ളില്‍ അപ്രത്യക്ഷരാവുന്നതാണ് അരുണ്‍ ചാക്കോയും വിന്‍സ് ഗജ പോക്കിരിയും കണ്ടത്.

" അപ്പൊ നമുക്കിവരില്‍ നിന്നു തന്നെ തുടങ്ങാം, അല്ലെ ചാക്കോ .." ക്യാമ്പ് ഓഫീസിലെ അഴികള്‍ക്കരികില്‍ നിന്നുകൊണ്ടു ജയകുമാര്‍ സി ബി ഐ പറഞ്ഞു. സമ്മതം എന്ന ഭാവത്തില്‍ അരുണ്‍ ചാക്കോ കായംകുളം ഒന്നു പുഞ്ചിരിച്ചു....ഒരു തരം മുകേഷ് പുഞ്ചിരി.

അവിടെ അഴികള്‍ക്കുള്ളില്‍ അട്ടി അട്ടിയായി കിടക്കുന്നു D G P മാര്‍ .....ഒന്നു,...അല്ല, മൂന്നു രോദനം കാതില്‍ വന്നലച്ചുവോ?

ശേഷം അടുത്ത എപ്പിസോഡില്‍ .........

N.B. : എന്‍റെ മെയില്‍ ബോക്സ് പതിവില്‍ കവിഞ്ഞു നോടിഫികേഷന്‍ തരാന്‍ തുടങ്ങിയിരിക്കുന്നു. എല്ലാവരോടുമായി, ഇതിന്‍റെ ക്ലൈമാക്സ് 08.02.09 ഞായറാഴ്ച പ്രസിദ്ധീകരിക്കുന്നതായിരിക്കും

ആ ബ്ലോഗര്‍ സുഹൃത്ത് ആരെന്നു വെളിപ്പെടുത്തുന്നു.......

2009-02-03T15:09:00.019+05:30

ആ അജ്ഞാതന്‍ ആര് ? ബൂലോഗത്തില്‍ സി.ബി.ഐ
( കോമഡി നോവല്‍ )

ഇതിലെ കഥാപാത്രങ്ങള്‍ക്ക് ജീവിചിരിക്കുന്നവരോടോ മൃതിയടഞ്ഞവരോടോ യാതൊരു സാമ്യവുമില്ല എന്ന് ഊന്നിപ്പറയുന്നു. അഥവാ സാദൃശ്യം തോന്നുന്നുവെങ്കില്‍ അത് യാദൃശ്ചികം എന്ന് വീണ്ടും ഊന്നട്ടെ. .....

ഇതൊരു കുഞ്ഞു നോവല്‍ ആണ് . ദീപക് രാജ് എന്ന എന്‍റെ സുഹൃത്ത് എഴുതുന്നത് പിന്തുടര്‍ന്ന് ഒരു കൊമഡി സംഭവം കോര്‍ത്തിണക്കി ഒരു എഴുത്ത്. ഞാന്‍ ജീവിതത്തില്‍ ആദ്യമായിട്ടാണ് ഈ കോമഡി ഉദ്യമത്തിന് മുതിരുന്നത്. തെറ്റ് കുറ്റങ്ങള്‍ പൊറുക്കുക. ഇതില്‍ കാണുന്ന കഥാപാത്രങ്ങളെ ബൂലോഗത്തില്‍ നിന്നും കടം കൊണ്ടതാണ്. ആര്‍ക്കെങ്കിലും ഇഷ്ടമായില്ലെങ്കില്‍ എനിക്ക് മെയില്‍ അയച്ചാല്‍ മതി .അവ ഞാന്‍ നീക്കം ചെയ്യുന്നതായിരിക്കും.

ഭാഗം ഒന്ന്

" വ്യത്യസ്തന്നാമൊരു ബാര്‍ബറാം ബാലനെ...
സത്യത്തിലാരും ....."

മൊബൈലിന്റെ ബെല്‍ നിര്‍ത്താതെ അടിക്കുന്നത് കേട്ടു അപ്പു എഴുന്നേറ്റു വാച്ചില്‍ സമയം നോക്കി. ആറു മണി. ഏത് .......ആണോ ഈ സമയത്തു വിളിക്കുന്നത് . നോക്കിയപ്പോള്‍ ഇന്ത്യയില്‍ നിന്നുമാ. ഷിജു വല്ലതും ആയിരിക്കുമോ? എതവനായാലും അവന് സാമാന്യ ബുദ്ധിയില്ലേ? അവിടെ എട്ടു മണിയായാല്‍ ഇവിടെ പുലരുന്നതേയുള്ളൂ എന്ന് മനസ്സിലാക്കാന്‍? അല്‍പ്പം നീരസത്തോടെ പച്ച ഞെക്കി "ഹല്ലോ" പറഞ്ഞു.

"ഹലോ, ഞാന്‍ മുള്ളൂരാന്‍. ...."

"ങ്ഹാ ...എന്തൊക്കെയുണ്ട് വിശേഷങ്ങള്‍? ....എന്താ ഇത്ര രാവിലെ ?"

" ഒന്നും പറയണ്ട എന്‍റെ അപ്പൂ ... അറിഞ്ഞില്ലേ ഇവിടൊരു പഹയന്‍ വന്നു കയറീട്ടോണ്ട് . പേരു ജോ. നമ്മുടെ ബെര്‍ലീക്കിട്ടൊരു പണി കൊടുതൂണ്ടാ വന്നേക്കനത്‌. ...."

" ഉം...ഞാനും കേട്ടു....പണി നല്ല പണി തന്നെയാന്നു ബെര്‍ളി പറഞ്ഞാരുന്നു. പിന്നെ പുതുമുഖമല്ലേ എത്രത്തോളം പോകുമെന്ന് കാത്തിരിക്കയാ ഞാന്‍....അവന്‍റെ ബ്ലോഗില്‍ ആദ്യാക്ഷരീടെ പരസ്യം ഇട്ടതു കൊണ്ടാ പിന്നെ ഞാനൊന്നും പറയാഞ്ഞേ .... ".

"അപ്പൂന്‍റെ പരസ്യം മാത്രമെ ഇട്ടുള്ളൂ ...എന്‍റെ ടെമ്പ്ലേറ്റ് കൂടി അവന്‍ അടിച്ചെടുത്തു. കുത്തിയിരുന്നെണ്ടാക്കിയ ഈ എന്നോട് പോലും ചോദിക്കാതെ. അതൊക്കെ പോട്ടെ ,ഇപ്പൊ അതൊന്നു മല്ല പ്രശ്നം ...."

"പിന്നെ?..." അപ്പുവിനു ജിജ്ഞാസയായി.

മുള്ളൂരാന്‍ തുടര്‍ന്നു " പണി കിട്ടിയ ബെര്‍ളി ഫ്ലാഗും ചെയ്തു പരാതീം കൊടുത്തു. പണി വെക്കാന്‍ പണി പറഞ്ഞു കൊടുത്ത ജോ യുടെ ബ്ലോഗര്‍ സുഹൃത്ത് ആരാണ് എന്ന് അറിയണം അത്രേ ! കൊമ്പത്താ പിടിച്ചിരിക്കുന്നെ...അന്വേഷണത്തിനു C.B.I യെ തന്നെ വിട്ടുകൊടുക്കാംഎന്നാ മുഖ്യന്‍ പറഞ്ഞിരിക്കുന്നെ. ഗൂഗിളിനെ പൊക്കി പറയുന്നതു കൊണ്ടു കൊണ്ടു അവരും ബെര്‍ളീടെ പക്ഷാത്രേ...ദെന്താ കഥ ...."

അപ്പുവിനു ആകാംക്ഷ ആയി " ഉവ്വോ...ഇതൊക്കെ എങ്ങനെ അറിഞ്ഞു?"

"സാബിത് പയ്യന്‍ എന്നെ ഇപ്പോള്‍ വിളിച്ചിട്ടുണ്ടായിരുന്നു. ആ പഹയനു എങ്ങനെയോ ലീക്ക് ചെയ്തു കിട്ടിയതാ....."

ഒരു ദീര്‍ഘ നിശ്വാസം വിട്ടു അപ്പു സോഫയിലേക്ക് ചാഞ്ഞിരുന്നു. എന്നിട്ട് മുള്ളൂര്‍ക്കരനോട് പറഞ്ഞു " പടം വരച്ച ത്തിന്‍റെ ഒരു പോലീസ് കേസ് വന്നതേ ഉള്ളൂ.......... ..ദാ,C.B.I യും വരണു. ബ്ലോഗേര്‍സിനെ നിയമം പഠിപ്പിക്കാന്‍ ആദ്യാക്ഷരി ഇന്‍സ്ടിറ്റുട്ടിന്റെ മുകളില്‍ ഒരു നില കൂടി പണിയേണ്ടി വരുമല്ലോ?"

" അപ്പു അതല്ല കാര്യം, ജോ ബ്ലോഗ് എഴുതിതുടങ്ങുന്ന നാളുകളില്‍ ഒരു പോസ്റ്റ് ഇട്ടിരുന്നു ' എങ്ങനെ ബ്ലോഗറാകാം? ' എന്ന്. അതില്‍ നമ്മളെ മൂന്നു പേരെയും മാത്രമെ എഴുതിയിട്ടുള്ളൂ....പടോം കൊടുത്തിട്ടുണ്ട്‌. ഇനി C.B.I ഈ വഴിക്കെങ്ങാന്‍ വരുമോ എന്നാ എന്‍റെ പേടി. "

അപ്പു ഒരു നിമിഷം ആലോചിച്ചു.എന്നിട്ട് മുള്ളൂര്‍ക്കാരനോട് പറഞ്ഞു, " ഇല്ല, എനിക്കൊട്ടും വിഷമമില്ല. ഞാനിവിടെ ദുബായിയിലല്ലേ. ആദ്യം നിങ്ങളെ രണ്ടു പെരെയുമേ ചോദ്യം ചെയ്യുകയുള്ളൂ. ഞാനിനി ഉടനെയെങ്ങും അങ്ങോട്ടേക്ക് ഇല്ല . ...ആട്ടെ , ഇനി മുള്ളൂരാനാണോ ആ ബ്ലോഗര്‍ സുഹൃത്ത്? "

" എന്റമ്മോ...ആ പഹയന്‍ ഇന്നാള്‍ ഒന്നു ചാറ്റി നോക്കി . അത്രയുമേ എനിക്ക് പരിചയമുള്ളൂ.
html സംശയങ്ങള്‍ ആയതു കൊണ്ടു ഞാന്‍ മറുപടിയും കൊടുത്തു. ...അത്രേള്ളൂ....."

"പിന്നെ ആരായിരിക്കും ? "

"സാബിത് ?"

"ഛെ, അവന്‍ പയ്യന്‍ ? അത്രയ്ക്കൊന്നും ആയിട്ടില്ല. "

"പയ്യനെന്നോന്നും പറയണ്ട. ഇന്നാളു കെട്ട്യോള് ഉടക്കിയാ ചിരിപ്പിക്കാനെന്താ വഴീന്നു പറഞ്ഞു അവനൊന്നു പോസ്ടീട്ടുണ്ടായിരുന്നു......"

" എന്നാലും അവനായിരിക്കില്ലെന്നെ....ചിലപ്പോ രാഹുലായിരിക്കൊ? അവന്‍റെ ഇന്ഫൂഷന്റെ പടോം പരസ്യോം ജോ യുടെ ബ്ലോഗിലുണ്ടല്ലോ? "

ആവാന്‍ സാധ്യതയുണ്ട് .അവര് തമ്മീ മെയിലൊക്കെ സ്ഥിരം അയപ്പാ. ഇന്നാള് അവന്‍ അയച്ച മേയിലൊരു കമന്റാക്കി ഇടുകേം ചെയ്തു. പിന്നെ ഇങ്കുമോനേം അടിച്ച് മാറ്റിയത് കണ്ടില്ലാര്‍ന്നോ ."

"പക്ഷെ ബെര്‍ലിക്കൊരു മറുപടി പോസ്റ്റില്‍ ഏതാണ്ടൊരു ടൈം മലയാളം ബ്ലോഗിങ്ങ് ടിപ്പുകളെ ക്കുറിച്ചും പരാമര്‍ശിച്ചിരുന്നു വല്ലോ? "

" അതാരുടെയാ, എന്നാ അവനായിരിക്കും കക്ഷി. കാരണം അവന്‍റെ പേരു മാത്രം എങ്ങും പറഞ്ഞിട്ടില്ലല്ലോ?"
" അതിരിക്കട്ടെ ...നമ്മുടെ അക്കാദമി സുഹൃത്തുക്കള്‍ എന്ത് പറയുന്നു?"

"അവരൊക്കെ എന്നെ വിളിച്ചിരുന്നു . ഈ പ്രശ്നത്തില്‍ പടമെഴുത്തിനു കുറച്ചൊക്കെ ഇടിവ് പറ്റി എന്നാ ന്യൂസ്. അതിന്‍റെയൊരു മ്ലാനത കാണാനുണ്ട്. "

"ഉം...എന്തായാലും കാര്യങ്ങള്‍ നടക്കട്ടെ....പുരോഗതി അറിയിക്കണേ ......ഓള്‍ടെ പപ്പായ്ക്ക് ഇന്നു കുറച്ചു ടിപ്സ് അയക്കാമെന്നു പറഞ്ഞിരുന്നു. നാളെ അത് ആദ്യാക്ഷരീല്‍ പോസ്റ്റാം. ...വയ്ക്കട്ടെ."

ഉവ്വുവ് ...എല്ലാം മുറ പോലെ അറിയിക്കാം. പിന്നെ..ഒരു കാര്യം കൂടി, ഇന്നു ആല്തരക്കൂട്ടത്തില്‍ ഒരു മീറ്റിംഗ് വിളിച്ചിട്ടുണ്ട്- ബ്ലോഗര്‍ സുഹൃത്തിനെ കണ്ടു പിടിക്കാന്‍ - ഏതോ സ്വാമി യാത്രെ വന്നിരിക്കുന്നത്. ...വിവരങ്ങളൊക്കെ പിന്നീടറിയിക്കാം അപ്പൂ.. വയ്ക്കട്ടെ."

മുള്ളൂര്‍ക്കാരന്റെ ഫോണ്‍ കട്ടുചെയ്തു അപ്പു സോഫയില്‍ നിന്നും എഴുന്നേറ്റു. ഇനി എന്തൊക്കെയാണോ സംഭവിക്കാന്‍ പോകുന്നത് ? ...എന്‍റെ ബ്ലോഗനാര്‍ കാവിലമ്മേ എന്നെ മാത്രം കാത്തു കൊള്ളണേ !!"

* * * *

സമയം സായാഹ്നം.

അസ്തമയത്തിന്റെ സുവര്‍ണ്ണ തുടിപ്പിനിടയിലും ആല്തറ യിലെ ദല മര്‍മ്മരങ്ങള്‍ ശക്തിയോടെ പുലമ്പിക്കൊണ്ടിരുന്നു.

അവിടെ, എവിടെ നിന്നോ വന്ന ഒരു ദിവ്യന്‍, ധ്യാന നിമഗ്നനായി ഇരിക്കുന്നു. വേഷം കാഷായം.
ആല്തറയ്ക്ക് താഴെ മുന്‍ നിരയില്‍ കാപ്പിലാന്‍,നിരക്ഷരന്‍,പാമരന്‍,തോന്ന്യാസി,കുറുമാന്‍,കുറ്റ്യാടിക്കാരന്‍ തുടങ്ങിയവര്‍ സ്ഥാനം പിടിച്ചിട്ടുണ്ട്. തൊട്ടു പിന്നിലായി,ഗീത്, ജെറ്റ്,ഗോപന്‍,സുനീകൃഷ്ണ,ശ്രീവല്ലഭന്‍,പിള്ളേച്ചന്‍,രഞ്ജിത്ത്,അനില്‍ ജൈവീകം, നജീം, മയൂര,ശരത് ,ചങ്കരന്‍,ചാണക്യന്‍,മാണിക്യം തുടങ്ങിയവരോക്കെയുണ്ട്.

ധ്യാന നിമഗ്നനായിരിക്കുന്ന സ്വാമിയിലാണ് ഏവരുടെയും ശ്രദ്ധ.

പെട്ടെന്ന് സ്വാമിജിയുടെ ചുണ്ടുകള്‍ അനങ്ങി .അശരീരി പോലെ ഒരു ശബ്ദം അവിടെ പതിച്ചു.

"സ്നേഹമാണഖിലസാരമൂഴിയില്‍,സ്നേഹിക്ക ഉണ്ണീ നീ
നിന്നെ ദ്രോഹിക്കുന്ന ജനത്തെയും ..."

മിഴികള്‍ തുറന്നു കൊണ്ടു കൂടിയിരിക്കുന്നവരെ അദ്ദേഹം നോക്കി എന്നിട്ട് പറഞ്ഞു " അങ്ങിനെ അഹിംസയിലൂന്നിയ സ്നേഹം ഈ ബൂലോകത്ത് ആകെ പരക്കട്ടെ."

ഹൊ !...എന്ത് ദാര്‍ശനികയിലാര്‍ന്ന വാക്കുകള്‍. ഇദ്ധേഹം ശരിക്കുമൊരു ദിവ്യന്‍ തന്നെ.

സ്വാമിജി തുടര്‍ന്ന് "...ആട്ടെ മക്കളെ പറയൂ, ഇന്നെന്താന്നീ ആല്തറയില്‍ പതിവില്‍ക്കവിഞ്ഞൊരു
ബൂലോകക്കൂട്ടം? "

കൂട്ടത്തില്‍ നിന്നും ചങ്കരന്‍ ചാടിയെഴുന്നേറ്റു പറഞ്ഞു " "സ്വാമിജി ഈ ബൂലോകത്ത് വസിക്കാന്‍ പുതിയോരുതന്‍ വന്നിട്ടുണ്ട് .പേരു ജോ. ഇപ്പൊ തന്നെ 'ദുരന്തങ്ങളെ തമാശ കൊണ്ടു നേരിടും ' എന്ന അവന്റെ വാക്കു ബൂലോക ഹിറ്റ് ആയിക്കഴിഞ്ഞു."

മുഴുവന്‍ പറയാന്‍ സമ്മതിക്കാതെ തോന്ന്യാസി ചാടിയെഴുന്നേറ്റു പറഞ്ഞു " അവന്റെ ഒടുക്കത്തെ ഹിറ്റ് കണ്ടു സഹിക്കാന്‍ പറ്റണില്ല. ..."

അത് മുഴുമിക്കാന്‍ ചാണക്യന്‍ സമ്മതിച്ചില്ല " അവനീ പുതിയൊക്കെ പറഞ്ഞു കൊടുക്കുന്നത് ആരാണ് എന്നറിയണം ? "

ശ്രീ വല്ലഭന്റെ ഊഴമായിരുന്നു പിന്നെ " സ്വാമീ, പറയുന്നതേ തെറ്റൊന്ടെന്കീ ക്ഷമിക്കണം. സ്വാമിക്ക് മന:കണ്ണ് എന്ന കുന്ത്രാണ്ടം ഒണ്ടെന്നു കേട്ടിരിക്കന്. അപ്പോപ്പിന്നെ അതൊന്നു പ്രയോഗിചൂടിന്‍? "

സ്വാമി സുസ്മര വദനനായി കണ്ണുകള്‍ അടച്ചു. അവിടെയിരിക്കുന്ന ബൂലോക വാസികള്‍ പരസ്പരം നോക്കി. അവരൊക്കെ ആദ്യമായിട്ടായിരുന്നു മന:കണ്ണ് പ്രയോഗം കാണുന്നത്.

ആല് തറ യ്ക്ക് മുന്നിലിരുന്ന കാപ്പിലാനും നിരക്ഷരനും പരസ്പരം നോക്കി ഗൂഡമായി എന്തോ ആലോചിക്കുന്നത് മാണിക്യം കണ്ടു.

അല്‍പ സമയത്തിന് ശേഷം സ്വാമിജി മിഴികള്‍ തുറന്നു .എന്നിട്ട് എല്ലാവരെയും നോക്കി പറഞ്ഞു " ആ ബുദ്ധി പ്രവര്‍ത്തിച്ച മനസ്സു എന്‍റെ മുന്നിലിരിക്കുന്ന ഒരാളിലുണ്ട് മക്കളെ " .

കാപ്പിലാന്‍ രൂക്ഷമായി നിരക്ഷരനെ നോക്കി. ഉടന്‍ നിരക്ഷരന്‍ ചാടിയെഴുന്നീട്ടു പറഞ്ഞു. " സ്വാമി എനിക്കവനുമായി ഒരു ബന്ധോം കുന്തോം ഇല്ല. ഇന്നാളവന്‍ എന്‍റെ ബ്ലോഗില്‍ വന്നൊരു ചൂലും അടിചെടുതോണ്ട് പോയതാ. സത്യമായിട്ടും....ഞാനല്ല....ഞാനല്ല...ആ ബ്ലോഗര്‍ സുഹൃത്ത്. .....എന്‍റെ ദൈവമേ എന്ത് കഷ്ടമാണ് ഇതു ? ...വല്ലാര്‍ പാടത്ത് അമ്മയ്ക്ക് ജോ പറഞ്ഞ ചൂലങ്ങു വാങ്ങിക്കൊടുതാ മതിയായിരുന്നു. ....രക്ഷിക്കണേ ഭഗവാനെ ..."

നിരക്ഷരന്‍ തിരിഞ്ഞു ആല്തറക്കൂട്ടത്തിലെ മറ്റു ബ്ലോഗ്ഗേര്‍സിനെ നോക്കി. എല്ലാവരുടെയും കണ്ണുകള്‍ തനിക്ക് നേരെ തുറിച്ചു നോക്കുന്നു. " ദൈവമേ , ഇനി താന്‍ തന്നെയാണോ ആ ബ്ലോഗര്‍ സുഹൃത്ത്.....നിരക്ഷരനായിപ്പോയത്തിന്റെ ഒരു ശാപമേ...." ആരോടൊക്കെയോ പരിതപിച്ചു തലയില്‍ കൈകളടിച്ചുകൊണ്ട് നിരക്ഷരന്‍ ആ കൂട്ടത്തിലെക്കിരുന്നു.

കുറുമാന്‍ എഴുന്നേറ്റു സ്വമിജിയോടു ചോദിച്ചു " സ്വാമിജി , അങ്ങ് മന കണ്ണാല്‍ കണ്ടത് ഇഇപ്പോള്‍ പറയണം. ഇവിടെയിരിക്കുന്നതില്‍ ആരാ ആ ബ്ലോഗര്‍ സുഹൃത്ത്? "

സ്വാമിജി എല്ലാവരെയും നോക്കി പുഞ്ചിരിച്ചു . പക്ഷെ തിരിച്ചു പുഞ്ചിരിക്കാന്‍ ആര്‍ക്കും മനസ്സു വന്നില്ല. സ്വാമി ഇനി തങ്ങളുടെ പേരെങ്ങാന്‍ പറഞ്ഞാലോ എന്നതായിരുന്നു ഏവരുടെയും മനസ്സില്‍.

പെട്ടെന്നതാ ഒരിരമ്പല്‍. നേരം സന്ധ്യ മയങ്ങിയിരുന്നു. ഈ ഇളം തെന്നലില്‍ ആലിലകള്‍ അത്രയ്ക്കങ്ങ് ചിലക്കുമോ?

ഇരമ്പം അടുത്തടുത്ത്‌ വരുന്നു. സ്വാമിജി കണ്ണുകള്‍ തുറന്നു ഇരമ്പല്‍ കേട്ട ദിക്കിലേക്ക് നോക്കി.
സ്വാമിജിക്ക് തന്റെ കണ്ണുകളെ വിശ്വസിക്കാനായില്ല.

ബുള്‍ ടെറിയര്‍, ബ്രോഹോമര്‍, ബ്രിട്ടാനി, ബ്ലോഗന്‍ ടെറിയര്‍ ,ബ്രാറ്റ് ......... ദൈവമേ എത്ര തരം നായ്ക്കള്‍. ഹൊ, ബൂലോക വാസികള്‍ക്ക് ഇവറ്റകളുടെ സ്വഭാവം പറഞ്ഞു കൊടുത്തതിനു കടിച്ചു കീറാന്‍ വരികയാണോ?

ആല്തറയാണ് എന്നോ മുന്നിലിരിക്കുന്നത്‌ ആല്തറക്കൂട്ടം ആണെന്നോ സ്വാമിജി ഓര്‍ത്തില്ല. എഴുന്നേറ്റു ഒറ്റ ഓട്ടം . പോയ വഴിയേ പുല്ലു പോലും മുളക്കില്ല എന്നൊക്കെ പറയുന്നതു പോലത്തെ ഓട്ടം.

പക്ഷെ ആ ഓട്ടത്തിനിടയില്‍ എന്തൊക്കെയോ തെറിച്ചു മുന്നിലിരിക്കുന്ന നിരക്ഷരന്റെ അടുത്ത് വീണു. നിരക്ഷരന്‍ ഇതെടുത്ത് തിരിച്ചും മറിച്ചും നോക്കി.

ഒരു നീല 'കൊച്ചു 'പുസ്തകം .പിന്നെ രണ്ടു രസീത് കുറ്റിയും .

നിരക്ഷരന്‍ 'നിരക്ഷരന്‍' ആയിപ്പോയത്തിന്റെ പരിതാപത്തില്‍ അവയൊക്കെ കാപ്പിലാന് കൈമാറി.

സംഗതി നോക്കിയ കാപ്പിലാന്റെ മുഖത്ത് ചിരി പ്രകടമായി.

ഒരു പാസ്പോര്‍ട്ട് പിന്നെ ഫ്ലൈറ്റ് ടിക്കറ്റും ............

ആല്തറ ക്കൂട്ടമാകെ ഇളകി കാപ്പിലാന്റെ ചുറ്റും കൂടി.

" ഇതു നമ്മുടെ ദീപക് രാജിന്റെ പാസ്പോര്‍ട്ടും ഫ്ലൈറ്റ് ടിക്കെറ്റുമാ...."

" ദൈവമേ അപ്പോള്‍ സ്വാമിജി ദീപക് രാജായിരുന്നോ? "

നിരക്ഷരന്‍ പ്രഖ്യാപിച്ചു. " എനിക്കപ്പോഴേ സംശയമുണ്ടായിരുന്നു. ജോ യുടെ ബ്ലോഗര്‍ സുഹൃത്ത് ദീപക് രാജായിരിക്കുമെന്നു. കമന്റുകളില്‍ ദീപു എന്ന് മാത്രമെ ജോ വിളിക്കാറുള്ളൂ. ദീപക് രാജിന്റെ കമന്റുകളില്‍ ഇളക്കും മുള്ളിനും കേടില്ലാത്ത നിലപാടാണ്‌ കാണുന്നത്. ......എനിക്കപ്പോഴേ സംശയമുണ്ടായിരുന്നു. "

കള്ളനെ കണ്ടു പിടിച്ചതിന്റെ മാസ്മരികതയില്‍ ആല്തറക്കൂട്ടം പിരിയാന്‍ തുടങ്ങുമ്പോഴേക്കും
ബുള്‍ ടെറിയര്‍, ബ്രോഹോമര്‍, ബ്രിട്ടാനി, ബ്ലോഗന്‍ ടെറിയര്‍ ,ബ്രാറ്റ് ......എല്ലാവരും കൂടി സ്വാമി പോയ വഴിയേ ഓടുന്നുണ്ടായിരുന്നു.

ആ അജ്ഞാതന്‍ ആര്.......വരും എപിസോടുകളില്‍ തുടര്‍ന്ന് വായിക്കുക.